ياحسين انا ياخـوك بالحيـل مشتـاق=مشتـاق قلبـي للحبيـب وغـرامـه
بدل في ذاك الحب والوصـل بفـراق=واصبحت انا صحراء في رجوى غمامه
عايش ولكـن عقلـي للحيـن مافـاق=ايفيق عقلـي كـل ماأوحـى كلامـه
احس قلبـي يقطعـه مـوس حـلاق=اذا غمـزلـي غـمـزةً ببتـسـامـه
فديـت قلبـه ليتنـي فيـه مـعـلاق=واصير انا الفارس في صحوة هيامـه
صبرت صبر ايوب والقلـب ماطـاق=وصبري ذبحني والشقا لـي علامـه
الى متى هذا الجفا خاطـري ضـاق=اسجنـي فـي قلبـك ليـوم القيامـه
وردني الفمـك واحرسنـي بالامـواق=ونجحني في حبك وعطنـي علامـه
مبغى الفرج واكتب بالابـواب غـلاق=هـذا منـى قلبـي وهـذا اهتمـامـه
لو لا اختلاف الناس في كـل الاذواق=لابـارة السلعـه وتبـكـي نـدامـه
بس انت ذوقي وانت ذوقي والاشواق=ما اهتم في ذوق العـرب وانقسامـه
انشهـد ان الحـب طاغـي وحـراق=شاب الطفله منـه ونحلـت عظامـه
وياحسين قله مسفـر اليـوم مشتـاق=مشتـاق قلبـه للحبيـب وغـرامـه

الهاجري مسفر


صح الله السانك
وسلم الله بنانك

رائعه تستحق الأحتفاء

.

.

.