::: مـنتدى قبيلـة الـدواسـر الـرسمي ::: - نبذه عن الشاعر محمد بن نمر المخاريم

السلام عليكم ورحمة الله وبركاته

اقدم لكم بعض من مقتطفات

والموضوع منقول للعلم!

الشاعر القدير: محمد بن حمد بن نمر القواسيه المخاريم الدوسري

و له قصائد عديده

مع الشعراء

الامير محمد الاحمد السديري رحمه الله

و الشاعر عيد بن سلطان الدعجاني رحمه الله

والشاعر مرشد البذال رحمه الله

و الشاعر احمد الناصر الشايع اطال الله في عمره

له عدة قصائد في النظم وله ايضا في مجال المحاوره

لاسقـى الله جيّتـي يـم الفريقـي
جيّتي لفـلان هـو ويّـا الجماعـه
يوم هرّجته بغيت اشـرق بريقـي
و اخْتلفت وضعْت عن هرج الوقاعه
تلْ قلبـي تلّـت الـذود الوسيقـي
تلّهـا ربـعٍ يحبـون الطّمـاعـه
محتريـنٍ قفْوهـم يلحـق لحيقـي
لابةٍ تاخـذ مـن الكاسـب قلاعـه

يا صاحبي وهّقتني و استغرّيت
حطيتني من بين جاذب و ميّاح
ياليت يالمجمول ياليت ياليـت
انك تعلمني بطاروق الأنصـاح
امّا يفز القلب لاقبلت واقفيـت
ولا نجوز من الخساير والأرباح

كلٍ على طـاروق قلبـه يدلـه
و أنا على طاروق قلبي لحالـي
قالوا علامك تسهر الليـل كلـه
قلت آه ماتدرون باللي جرالـي
قالوا تصبر قلت صبـر المذلـه
شوفه ولا شوف الرفيق الموالي
على الذي قفـا بقلبـي و تلـه
تل العزوم لمجـدلات الحبالـي

مـا يحتمـل لثْقالهـا إلّا جملْهـا
ولا ينْتبه للْخاملـه كـلّ مطفـوق
يا فارقين جدادهـا مـن سملْهـا
ما ينْلبس ثوبٍ على المتن مشقوق

هذه قصيده قالها في قبيلة الدواسر

يا سلام الله عليكـم عـد همّـال المخايـل
و عد ما غنّى حمام الورق في راس البنيّه
ردت(ن)من خاطري مثل العسل والشك زايل
للكبير و للصغيـر و الاجنبـي و الآهليّـه
ليل ياليل السعد شاهدت فيه أهـل الجمايـل
كاسبين العرف والمعروف بعزوم(ن) قويّـه
لي ثمان اسنين واربع تـاركٍ رد المثايـل
لين جا وقت اللزوم وهاضت اهمومي عليّه
لاذكرت الطيبين اشرفت في روس الطوايل
وزال هم القلب لوّ انه كبـر قـارة طميّـه
لابتي كسابت النامـوس بعصـور الأوايـل
حاضرين القول والغيّاب في نجـد الفضيّـه
متعبين الجيش الأحمر و الموازر والأصايل
لا غدا عج الرّمك كنّـه معاصيـر ابرديّـه
محتمين ديارهم و الغرس و أمّات الشمايـل
من شعيب الطور الأخضر لشمال التوضحيّه
فعلهم و احدودهم لا جا مصادمـت القبايـل
قبل يضفي حكم أبو تركي على سبع اللفيّـه
القبايل غيرهـم تفعـل حسينـات الفعايـل
مير أنا بمدح بني عمـي ولا فيهـا زريّـه

وهنا قصيده أخرى جاءة من معاناه يقول فيها:

البـارح سهـران مانامـت العيـن
لكـن وسـط صبيّهـا شوكتيـنـي
يالله يـارب الصـيـام المصلـيـن
يافارج الضيقـات فـي كـل حينـي
يا وين وين اللي على البال يا ويـن
اللـي ليـا منـي بغيتـه يجيـنـي
اللي ليـا شانـت وجيـه المهبيـن
ماشان وجهه لـو تشيـن السنينـي
ترى الردي لو هو من اللي مواليـن
حـيٍ وهـو مـن حسبـة الميتينـي
و إن كان ظنّك خاب في الربع الأدنين
مالـك مشاريـهٍ علـى النازحينـي
إلا علـى اللـي بالمراجـل معييـن
يمشـون درب جدودهـم الاولينـي
علـى المراجـل ثابتيـنٍ وراسيـن
طـول الليالـي و الدهـر ثابتيـنـي
و أخص راع الطيب بالعسر والليـن
والعرف ما يعرض علـى العارفينـي
الطيب لهل الطيب والنـاس داريـن
ومـع التجـارب كـل شـيٍ يبينـي

((منقول))

رحمك الله يابن نمر