يوم الردي طق وشوفاته مهملها=إنا كعام العراقي يوم ينصانا

باديٍ بسم الذي كل خلقه له سجود=هو رحيمٍ يغفر ذنوب عبدٍ يسأله
نطلبك رحمتك يا ذالجلال وياودود=ياقديرن كل شيٍ بغيته تفعله
نطلبك تصلح لنا الحال ياخير امعبود=الدعاوي من هوان فهوان لمهزله
الرويبض قام ينطق ويجمع له حشود=وقام يطعن فالولا والولا إنا هله
القبايل عز للدار ياللاش الحسود=ياردي الساس يانعنبوا منت خبله
منهو اللي قال ياكويتنا ارقي سنود=دونتس ارجالن ليازاد حملتس نحمله
ياكويت العز ازهي ترا دونتس اسود=حن حماة الدار ولكل طاغي حنضله
حن هل الطالات والعز حن ستر العنود=حن رجال الدار لاجا الخطر نستقبله
انشدوا صدام واهو يحسب الدعوه مهود=مادرا دون الوطن كل عالي لاسفله
يوم ثار العج والدار صارت للحقود=ماوقف دون البلد كون راعي الاوله
يوم اخو هدلا حشد يعتزي عند الحدود=نشرب الدم الحمر والرجيل امعقله
وانت فارٍ هاربٍ اش واقطع يالجحود=خاسيٍ عاقب ردي قن باسفل منزله
هكري خكري ردي النسب هافي جدود=يقطعه ربي من الصيب ومنهو ارسله
وانت وامثالك فدٍ للقبايل يالحسود=فدوةٍ لرجيلنا ياوضيع المنزله
قالها شاعر قبيله وعن ربعه يذود=دوسري درب المراجل نصاه ويدهله