خل الزعل والهجر خله = ياصاحبي لاتجافيني
كني عقب صدك بمله = ولوصلك الشوق طاويني
صاحبك صدك عذاب له = عذ بالله إمن الشياطيني
أذكر جميل الغلا كله = ترى الهوى له موازيني
حبل الهوى بالك إتله = لاصار ماجاك بهويني
تابع مساره على حله = وإليا ارتخى شده بزيني
كل ماإنقطع سينه إفتل له = لايرث مابينك وبيني
واللي أنعقد منه بنحله = وأبي يدك ليدي تعيني
الخل يدمح خطا خله = وإن كابر يهون بحيني
بأرضيك لو جيتك بزله = بس لاتصد وتقصويني
كثر الجفى بالهوى يخله = لا يشمت اللي معاديني
لا نصير لأرياقهم بله = من عقب مايبست سنيني
كانك تبي دربي إدله = لاتقول ماعاد يمديني
أنا رفيقك على المله = فيماتبي لك على الديني
ماهو تصنع ترى جبله = تشين الأيام ماشيني
سيف على ماتبي سله = بالنصب والا اللقا الشيني
بس إحذر الحد وإفطن له = لاأقول ماعاد يمديني
ترى اللي ماظنك أوصله = بتشوفه العين بالعيني
قلته وأنا القول قد له = ولأقفيت لاعاد ترجيني

المشاركة الأصلية كتبت بواسطة نسناس الهوى (المشاركة 624759) صح لسآنك يانايف الجال.. نص ملئ بالعذوبه.. لاهنت

المشاركة الأصلية كتبت بواسطة شافي النتيفات (المشاركة 624774) صح لسانك واعتلا شانك دائما مبدع يانايف الجال

المشاركة الأصلية كتبت بواسطة محمد بن حمد الشكرة (المشاركة 624776) صح الله لسانك ياابو سعد على القصيدة الجزلة وانت جزل وماتجيب الا الجزال ياابن عجيبة سجلني من ضمن المتابعين والمعجبين بك تقديري,,,,

المشاركة الأصلية كتبت بواسطة عقاب ال بريك (المشاركة 624872) صح لسانك وأعتلى شانك يابوسعود ...