سلام الله على الشاعرسلام الله على الحضار=تحية وافية لاهل الوفاء ذليل نهديها
اخص الشاعر المبدع اخص الشاعر البيطار=بيوتة محكمة دايم ولا يجهل معنيها

هلا يامرحبا ترحيبتن ماهلت الامطار = عدد وبل المزون الي تهمل بمر واليها =
توكلنا علا الله يالعميل وطول المشوار =تطول السالفه والطيبه من طيب راعيها

توقع ونتبة ياصاحبي ترا الزمن غدار=وحنا نكتب الحسنةوبالحسنات نجزيها
نبي جزل المعني ياعميلي وافي الاشبار=ترا كل الرجال التشوف لاتخلف هقاويها

تجيب اخبار لي واعطيك مني يالعميل اخبار = سواة اهل الوفا والعرف تاخذها وتعطيها
تطير الطايره ياصاحبي في حكمة الطيار = لكن الباخره والسفن ترسي في مراسيها

ترا الكبتن متابع من زمان وكاشفة ريدار=ونكشف سرها ياصاحبي لو كنت تخفيها
واناجوي صفا وكان في جوك كدم وغبار=نشوف السالفة ياصاحبي ويبن تاليها

كتبت الشيك لي والشيك بلا من يسار اصفار = شيكاتك واجده لكن رصيدك مايغطيها
ولو انك تعذر ياولد مانقبل الاعذار = بعد شبيت نار الحرب لزم انك تصاليها