|
من ترك شيٍ لوجه الولي عاضه اجر
السلام عليكم ورحمة الله وبركاته
اخواني الكرام هاذي نصيحه اهديها لكل غالي وعزيز وعسى الله يفكه من ابتلائه اللي هو فيه ويمنعه من الدخان من غير شر اللهم امين
من بعد ذكره آلهي بدا نظم الشعر=جل شانه واحدٍ ماجدٍ ربٍ غفور ابتدي نظم القوافي وبنحت من صخر=محتواها نصح من قلب رجالن غيور يطلب اهل العز ناسن يدوسون الخطر=الكرام اهل الشهامه على مر العصور من ترك شي لوجه الولي عاضه اجر=ضعف ماكان يتصور ملايين الاجور اترك المخبث لوجهه وجاهد بالصبر=ومايحوز الفوز ياكود رجالن صبور جاتك الفرصه لبابك ابد لاتنتظر=لاتطاوع نفس تامر على فعل الشرور اتسائل كيف يشربه من عنده فكر=رجل عاقل مير ماينفعه عقله بشور اتق الله واحد جل له كل الكبر=جل سبحانه رحيم عن الزله غفور خاف ربك يوم يعرض معك جن وبشر=في نهارن هول هوله عن آلاف الشهور اترك الدخان سارع لربك بالشكر=احمد الخلاق واسأله جناتٍ وحور جنتن عرض السما حدرها يجري نهر=مال عينٍ قد رأت مالها وصف مخبور ختمها واعداد ماهل وبلٍ وانهمر=ياصلاة على من ملا الدنيا بنور |
رد: من ترك شيٍ لوجه الولي عاضه اجر
خالد ارحب وصح لسانك وبيض الله وجهك على النصيحة الغالية ونسال الله ان يفك المسلمين من شره
عندي ملاحظه بسيطه وهي لاتنقص شئ من جمالية القصيدة البيت هذا
جنـتـن عــرض السـمـا حـدرهـا يـجــري نـهــر= مال عينٍ قـد رأت لا لهـا وصـف مخبـور
قلت يجري تحت الجنة نهر والصحيح اربعة انها نهر من لبن ونهر من ماء ونهر من عسل ونهر من خمر هذا للتوضيح والا انت شاعر وجزل |
رد: من ترك شيٍ لوجه الولي عاضه اجر
اقتباس:
الله لايهينك ويبيض وجهك على الملاحظه اللي افدتني فيها وعسى الله يجمعنا وياك ومن نحب في جنات النعيم ولك كل الشكر والتقدير ياكحيلان |
رد: من ترك شيٍ لوجه الولي عاضه اجر
خالد المشاويه
صح بدنك ولاهنت على القصيده الجزله تقبل مروري ,, |
رد: من ترك شيٍ لوجه الولي عاضه اجر
من ترك شي لوجه الولي عاضه اجر
ضعف ماكان يتصور ملايين الاجـور اترك المخبث لوجهه وجاهد بالصبـر ومايحوز الفوز ياكود رجالن صبـور مرحبا يالجزالة ومرحبا بالموضوع ورسالته النبيلة وارحب ملاييين يا كاتبها صح الله لساااانك يا خالد وعسى الله لايحرمك الاجر وجعل هالنصيحة الطيبة في ميزان حسناتك ونفع بها ... قصيدة" طيبه وانا اخوووك ومن قلب رجل يحب الخير للغير يسلم راسك ياخالد ويسلم معه منطوقك الجزل.. وعسى الله يوفقك يا فخر ربعك ويسعد اياااامك مثل ما سعدت بمروري المتواضع تقبله نفداااك.. |
رد: من ترك شيٍ لوجه الولي عاضه اجر
اترك المخبث لوجهه وجاهد بالصبـر@ومايحوز الفوز ياكود رجالن صبـور جاتك الفرصـه لبابـك ابـد لاتنتظـر@لاتطاوع نفس تامر على فعل الشـرور اتسائل كيف يشربه مـن عنـده فكـر@رجل عاقل مير ماينفعه عقلـه بشـور صح لسانك واعلى شانك |
رد: من ترك شيٍ لوجه الولي عاضه اجر
اقتباس:
مرورك شرف شكرا لك يابوسالم |
رد: من ترك شيٍ لوجه الولي عاضه اجر
صح السانك والله يهديهم ويرفع عنهم
تحياتي وتقديري~ْ، |
الساعة الآن 02:32 PM
 |
Powered by vBulletin® Copyright ©2000 - 2025, Jelsoft Enterprises Ltd.
---