يالله يــارب العـبـاد المصلـيـن=انـك تعـز البـل وناسـن قنتـهـا
وانـك تقبـل دعـوه المستغيثـيـن=وترجعلهـا فـي ديرتـن داهلتـهـا
ماحـدر العـارض الا حـد يبريـن=لقصى محيط الشرق هـاذي جهتهـا
من منطقه زايـد وسلطـان ويميـن=هـاذي مرابيـهـا وذي منطقتـهـا
مدهال ملحن طايـره شبـح وذهيـن=ياطـول غاربهـا وطـول رقبتـهـا
ملحن غشاها الملح والنـور والزيـن=مـن خفهـا لراسـهـا وشعفتـهـا
تفرق على صيغـه اكبـار العثانيـن=بالخشـم والخـده وطـول سبلتـهـا
عسما يدين مثل وصـف الموازيـن=يعجبـك ماطـا خفهـا وعسمتـهـا
الا وطت في الارض كـن البراكيـن=مـن ثقـل ماطاهـا تفجـر تحتهـا
فجحا عريضت ساق في خفهـا قيـد=تعجبـك لامـن دبـرت بفجحتـهـا
قطاعت الفرجـه واهلهـا محييليـن=كـم ديرتـن مـن ديرتـن قربتهـا
الابـل عطايـا الله غنـات المقليـن=الا رعـت فـي ديـرتـن قبلتـهـا
يازينها لاجـات مـن خايعـن زيـن=وامست شباع وجـات حـل ثورتهـا
قامولـهـا رعيانـهـا بالمواعـيـن=وتـرزمـت حيرانـهـا لبهلـتـهـا
والابل لها عنـد الرجـال العزيزيـن=قيمـه وعصمـان الشـوارب قنتهـا
يرعونهـا اللـي يحتمـون المخليـن=كـم جملـتـن ذيدانـهـم ذيرتـهـا
دواسرن يـوم المغـازي خطيريـن=كـم دار قومـن هجنهـم ناوشتـهـا
دواسرن يـوم اللقـاء تنـزع الديـن=وكم هجمتن من دار قومـن خذتهـا
واليوم في حكم الشيـوخ السلاطيـن=اللـي مناهيـج الشريعـه مشتـهـا
اللـي تـرد الـحـق للمستحقـيـن=لـو كـان وزن الخردلـه رجعتهـا
الله يثبتنـا علـى منـهـج الـديـن=في ظل مـن عـم السعـد مملكتهـا
دوله هل العوجـا سعـوط المجانيـن=اللـي حمـت حدانـهـا وحتمتـهـا
والله يكافيـنـا شــر الشياطـيـن=اللـي معـالـم دينـهـا هدمتـهـا
المرعبيـن الخاينـيـن الخبيثـيـن=اللـي وصـاه الله لعـبـده نستـهـا
وارجو السموحه من الرجال الحشيمين=اللـي يسايـق طيبـهـا معرفتـهـا
ودي بمدح حدنا المعارف والاقصيـن=ميـر القصيـده حـرت بمناسبتـهـا
واخترت من زين الثمر بيـت بيتيـن=خوفـن عليهـا لاتضيـع ثمرتـهـا
وصلو على المرسول سيـد النبييـن=ذكـرالله المعبـود فــي تكملتـهـا