|
هذه قصيدة الشاعر \ خلف بن هذال العتيبي..... الجنادريه
السلام عليكم ورحمة الله وبركاته........ هذه قصيدة الشاعر \ خلف بن هذال العتيبي..... واترككم مع قصيدته الجديدة الرائعة بمناسبة مهرجان الجنادرية الــ 19 لعام 1424 هـ وبما انها طويلة جدا جدا هذه بعض من أبياتها :-
على هذا المكان ومن رعاه ومن تربع فيه=سلام وراية الاسلام فوق الراس مرفوعه ترف بكل عز وكل مجد وضمها بيديه=امام المسلمين وكلمته بالكون مسموعه أخص القايد الاعلى فهد درع الوطن حاميه=من العدوان ما عاثت فلول الشرك بربوعه ملكنا اللي نحبه ثم نحبه والغلا نغليه=على دربه نسير ونستنير الدرب بسموعه ملكنا اللي يشرف حاضره ومشرفٍ ماضيه=يسجل له مدى التاريخ للتاريخ موسوعه ملكنا اللي فتح قلبه لنا يالله لنا تحييه=فريدات الخصايل في مقر العز مجموعه يصون مقدسات وبالثبات مخططه ماشيه=عسى أوطانه لبراق الحيا بالرجع مرجوعه تمتعنا بعهده بالرخاء والخير والترفيه=شربنا الماء قراح ومدنا وامتد ينبوعه ليا صّدر قرار يتم وبريشة قلم يمضيه=يورّد جاري التنفيذ والاوراق مدفوعه يوجه ما يوجَّه منفرد بالراي والتوجيه=يحلّ اوضاع غيره ما ابتحل في حل موضوعه ليا منّه تنهّض زلزل الغبرا تحت رجليه=يامكبر هيبته والارض تستكلم تحت طوعه سعوديٍ ملا الكرسي صحيح ومنصبه ماليه=ليا زمجر وطالع بالسباع تخر مفجوعه تليق به القياده والسياده والامن مضفيه=على شبه الجزيرة ساد تشريعه ومشروعه بلاده ما يقارب ربع قرن بساعده يبنيه=ولايَتبع فهد يُتبع فهد وخطاه متبوعه يعود الراي لاهل الراي واخذ الراي من راعيه=يعد ارياه مفتوله ومثنيه ومربوعه بتوع ليا مضى يمضي بسيف العدل ما يثنيه=ليا عدوا قواطيع السيوف ابتر وقاطوعه ليا اشتد الخصيم بخصمته من حكمته ينهيه=ينوخ للحقوق وتصبح الحقاد مرجوعه جبل راسي ومن طبع الجبل ما يحترك راسيه=ذرى المفزوع واللي طار عنها الستر مفجوعه جنودك يافهد شعبك لياطق الحدى حاديه=فداك الامن يفداك الحرس والجيش وفروعه عليك براس الافعى ما دفق سمه وكيف وليه=يروّجها الغبي واللي ثقتنا منه منزوعه من الضربه يطيح من اوله والحق على تاليه=قبل فتك الافاعي خلها في البيض مخلوعه عصابه يا بوفيصل بثت التشويش والتشويه=على ارضك ما لها بيعه ومن بيعتك مخلوعه على يمناك اخوك اللي مناظيم السرب تتليه=على اكتافه كبار الواجبات اليوم موضوعه تصدى من تعدى ويتحدى والوطن يعنيه=تعبّر كلمةٍ في نشرة الاخبار مذيوعه صدق راعي المثل لاركبت حر ارقد ولا توصيه=ولو حددت له رحلة شهر ياتيك باسبوعه نرحب في ولي العهد ونحييه وتحييه=جماهير تردد له بيوت الشعر مبدوعه هلا يامرحبا واهلين يارجل الوطن ذاويه=بعد هذا الزعيم انت الوطن وحماه ودروعه علينا لكم عهد لك ياسيدي والعهد ما نصخيه=عواتقنا قلايدها العهد بايمان مقطوعه معك سلطان حماي الحدود ليا احتمى صاليه=يجيب لك القلايع من يدين القوم مقلوعه يسلم ثالث الاثنين ويعافيه ويدوّيه=ابوخالد له الهامات بالتقدير مخضوعه على الارهاب شنوا حرب شعوا واقطعوا طاريه=تموت الشجرة اللي من عروق الجذع على من روّع الصيام خزي ولعنة تخزيه=عسى من راعهم رب الفلق يبلاه ويروعه تموت اطفال وتموت النسا فعل طغى طاغيه=بكل الوصف وحش مفترس ويغير بفزوعه جريمة ما تشبه بالجرايم يصعب التشبيه=عقول للحدث ما استوعبت خرقا ومصدوعه كلام للبعيد وللقريب يسمعه باذنيه=لعله يستفيد ويستقر العلم باسموعه نجابه طغمة بان الردى منها ولاتخفيه=هذا والله هو الارهاب مهما يختلف نوعه خذت عدوى وجتنا بالوبا من تلمسه تعديه=كفى الله شرها وبقدرة الرحمن مقلوعه ملغمة المصاحف ما لها بين الرجال وجيه=هبت والله وجيه للهوى وابليس مركوعه وسلااااااااااااااااامتكم ......... تقبلوا تحياتي......... بوسالم الشرافي ...... |
سعوديٍ ملا الكرسي صحيح ومنصبـه ماليـه=ليا زمجر وطالـع بالسبـاع تخـر مفجوعـه تليق به القياده والسيـاده والامـن مضفيـه=على شبه الجزيرة ساد تشريعـه ومشروعـه بلاده ما يقارب ربـع قـرن بساعـده يبنيـه=ولايَتبع فهـد يُتبـع فهـد وخطـاه متبوعـه يعود الراي لاهل الراي واخذ الراي من راعيه=يعـد اريـاه مفتولـه ومثنيـه ومربـوعـه اخوي العزيز ابوسالم " الشرافي " صح الله السانك على هذا النقل الرائع واختيار موفق يابوسالم جعل عمرك طويل على طاعته ونتتظر جديدك المميز تقبل تقديري واحترامي اخوك / فهد الغريري |
لاهنت
وصح الله لسان الشاعر |
صح الله لسان الشاعر الكبير خلف بن هذال العتيبي
والله يرحم الملك فهد بن عبدالعزيز يسكنه فسيح جناته لاهنت اخوي بوسالم وبيض الله وجهك تقبل تحياتي،، |
|
|
الساعة الآن 09:29 AM
 |
Powered by vBulletin® Copyright ©2000 - 2025, Jelsoft Enterprises Ltd.
---