::: مـنتدى قبيلـة الـدواسـر الـرسمي ::: - دبيس بن صلال آل صلال آل ثويمر الرجباني

- :: قسم أمـراء وفـرسان وأعـلام الـدواسـر:: (http://alduwaser.org/vb/forumdisplay.php?f=12)

- - دبيس بن صلال آل صلال آل ثويمر الرجباني (http://alduwaser.org/vb/showthread.php?t=52065)

دبيس بن صلال آل صلال آل ثويمر الرجباني

دبيس بن صلال بن ثويمر الرجباني الدوسري جد ال زاريه رحل هو واقاربه من ديرته وادي الدواسر
بعد ان حصل بينه وبين ربعه خلاف .. ولجاء الى قبيلة شهران وبالتحديد الى الشيخ مارق الحنيفي
من بني واهب وجماعته وقوبل بالترحيب والكرامه واصبح من هذه القبيله له مالها وعليه ماعليها
وهنا يصف ما حدث له وطريقة رحيله وطريقة استقباله من بني واهب مزبينين الجالي
في هذه القصيده ............

يالله طلبناك الهـدى وبـك نهتـدي

وابرج لمـن يجعـل دعـاك الفـال

اقبل عملنـا واجعـل الحـظ يعتلـي

وجمـل علينـا ياجمـيـل الـحـال

انا هاض مابي حسة مـن ربوعنـا

حـرب ضريـر والشبـوب ارجـال

ذبحنا وتذابحنا وتشاطـت اذبوحنـا

وراعي التعـدي مـن بـلاده جـال

ركبنا على عوض النضا شمخ الذرا

علـى داربـات كنـهـن جـمـال

تتبع ضلال فـي الضحـى طارداتـه

وعنـد العشـي مستتبعـات ظـلال

ونزلنا على الغبسان في عطفة الفضا

في مدلـق الجربـا تحـت الامثـال

نشدنا ونوخنا علـى قصـر مـارق

شـيـخ بقـصـره ربـعـه ودلال

اذبحوا لنا كوم مـن الابـل كرامـه

قعد شحمها فـي الصحـون يشـال

من عقب وردنـا وبانـت علومنـا

والفـت مواريـد عـلـى عـقـال

قلت ان عطيتونـي علـوم بغيتهـا

والا فنصـونـي بـيـوت رجــال

ابغـى بنـي عـم تعـدي رماحهـم

لطـامـة لـلـشـر لا مـاعــال

قالـوا تبشـر بالهـروج الواكـده

حـنـا لـكـم ودميـنـا والـمـال

وحازوا لنا هل الذود خمسين بكـره

ارك مثـيـل الـريـم لا مـاجـال

وحازوا لنـا ميتيـن شـاه متممـه

وميتيـن مـن المعـزا بعـد حفـال

حلفـت ماتطـرد مـن العـد بنتنـا

ولايصـك بدلوهـا فــي الـجـال

مانـي غـرام مثـيـل المغـارمـه

واهـل المـداري يمنـون الـمـال

باسيـر واقصـر واجعـل عوانـي

واجعل علـوم فـي المضـال ثقـال

ولا كـل خطـاب يجينـا نـجـوزه

الا عريـب الجـد هـو والـخـال

نسيبنـا مـن كـل بــد مـعـرب

كما اعتلى البـادي بـروس جبـال

تخاصمـت انـا والفويـه مبـارك

خو نـوره اللـي للعـرب مدهـال

ولا مازهم ثم انتخـى فـي قبايلـه

ليهم كما موج صفـق فـي الجـال

باسبـاب ذود لابـن بشـر ماخـذه

وانا شـارب عنـد اهلهـا فنجـال

نعزهـا بالصـدق مانتبـع الخطـا

وكل لنـا يشهـد علـى ذا الحـال

منقول