شافي جوابه لاقريته شفاني = اللي يشوق بنضم بيته ومعناه
قافه يحيط بسبك كل المعاني = يخاوي خوي الليل لوطال مسراه
يامرحبابه عد وبل الغشاني = من رايح(ن) قامت تسوقه رفاياه
شافي لابد العمر يالقرم فاني = كلن على عمره توقف مطاياه
يابخت من يقرا بسبع المثاني = لامن انتصف ليله يكبر لمولاه
هاذي الحياه اللي بها الامتحاني = كلن ترا نفسه بوقته مشقاه
ماقول انا اللي فاهمن في زماني = وكلن بوقته شاف بعض المعاناه
لامن بغيت الشعر سقته وجاني = مثل الذهب في صوغ سبكه ومعناه
ان كان شافي زارني في مكاني = عيد(ن) ترا شوفه وبالخير لقياه
نبغاه يسيّر قبل شهر رمضاني = هاذا جواب اللي على العز خاواه

المشاركة الأصلية كتبت بواسطة شافي النتيفات (المشاركة 598104) ارحب ياخوي الليل مرة اخرى وابشر بعزك ياطويل العمر بالمسيار وبالعلوم الطيبه لكن تراني مابعد عرفتك وعلى كل حال والله انك شاعر جزل نفتخر فيك واصبر علي لين تنتهي الاختبارات وابشر بالرد

المشاركة الأصلية كتبت بواسطة راشد المسعري (المشاركة 598113) يابـخـت مــن يـقــرا بـسـبـع المـثـانـي لامــن انتـصـف ليـلـه يكـبـر لـمــولاه هـاذي الحيـاه اللـي بهـا الامتحانـي كـلــن تــــرا نـفـســه بـوقـتــه مـشـقــاه خوي الليل صح لسانك وسلم فكرك قصيدة جزلة وموجهه لجزل بانتظار نهاية الاختبارات ورد الشاعر شافي النتيفات أدام الله المعزة والمحبة ولك ودي وتقديري ،،،

المشاركة الأصلية كتبت بواسطة خميس الغييثي (المشاركة 598135) ارحب ياخوي الليل تراحيب البدو بالسيل صح لسانك واعتلى شانك وافي وقصيده وافيه وانا بصير متطفل وبسير مع شافي قبل رمضان ان شاء الله اذا سير عليك فائق التقدير وجليل الاعجاب

المشاركة الأصلية كتبت بواسطة مبارك بن الجوير (المشاركة 598441) شافي لابد العمـر يالقـرم فانـي كلن على عمره توقـف مطايـاه يابخت من يقرا بسبـع المثانـي لامن انتصف ليله يكبـر لمـولاه هاذي الحياه اللي بها الامتحانـي وكلن ترا نفسـه بوقتـه مشقـاه يااااصح الله لساااانك ملاييين ياخوي الليل سلم منطوووقك وفكرك وعمرك والله وعسى الله يجزيك بالخير ويعيننا على طاعته ولايحرمك من الاجر يا ذيبااان جزالة وشعر ونصيحة تضمنتها رسالة لشخص يستحق المقال الطيب والبيوت الثمينة وعسى الله يديم الوفا والود والرفقة الطيبة بينكم يا رب خوي الليل يسعد ايااامك كما اسعدتني بمروري تقبله نفدااك