بضيافة اللي خذا الناموس مثنيا = لاد الحريجي تبين بساعة الثورة
ما جالهم طيبهم ذالوقت مشريا = من عصر شيبانهم متعدي طوره
اهل الفخر والكرم والبيت منصيا = يوم ان بعض العرب طيبه بمقدوره
نيابة عن بني عمي وانا هنيا = جيت اتكلم وكل يبدي شعوره
اعداد ماداج وسط الكون من حيا = واعداد صبح تنفس وانبلج نوره
واعداد ما مال وسط القايلة فيا = واعداد ما رفعت الرايات منصوره
ترحيب طيب وكرامة يشبه الضيا = ترحيب بين القبايل عالي دوره
بين الدواسر حزامي عزوتي وايا = قبيلة بالوفا والطيب مخبوره
صبيان مرة الى من جات لحميا = ربع تنومس نهار تكثر شروره
مرية تقنع الطماع لاعيا = حتى يطيح السطر من راسه وجوره
من يام يام الفزوع اليا بدا عيا = يام السطر والحمية قول اخو نوره
قلته عن العزوة اللي تحمي العيا = دواسر مجدهم تفخر به سطوره
دواسر كل ما نادى الندى هيا = سحاب صيف زبر مايومن جوره
عرق الوفا لاصدرنا منه ملحيا = نلحاه حتى من اقصى عرق بجذوره
كل عرف واعترف للعز مرعيا = عادات وامجاد في التاريخ منشوره
هذا وحق العرب ماهوب ملغيا = كل القبايل بفعل الطيب مذكوره
ايضا وحق الوطن ماهوب منسيا = مصيون من عرضة الغدار وشروره
في ظل حكم علينا اليوم مبنيا = حكم السعودي فخرنا طالت عصوره
في عهد صقر العروبة للعرب حيا = رمز المهابة يحل الصعب من شوره
ياما وقف وقفة لاذكر منخيا = الله واكبر هذا في وقته اسطوره
والله يعز الحكم ويعز من هيا = الامن حتى تعيش الناس مسروره

المشاركة الأصلية كتبت بواسطة ناصر الفصام (المشاركة 595211) الله الله يا ابو راشد قصيده جزله وطيبه من واحد كفووو وراعي جزل صح لسانك يا شاعرنا المبدع وبيض الله وجهك ولآهنت على طرحها يا القرم

المشاركة الأصلية كتبت بواسطة خميس الغييثي (المشاركة 595237) صح لسانك واعتلى شانك وافي وافي وافي يابوراشد بيض الله وجهك على هذه الرائعه والله انك تنومس بفعل الغانم وقصائد الجزله مهما كتبت عنك فلا اوفيك حقك تقبل مني فائق الاعجاب وجليل التقدير والاحترام

المشاركة الأصلية كتبت بواسطة بدر سلطان التمامي (المشاركة 595610) اعداد ماداج وسط الكون من حيـا واعداد صبح تنفس وانبلج نـوره واعداد ما مال وسط القايلـة فيـا واعداد ما رفعت الرايات منصـوره صح السانك اخوي شافي قصيده جزله من أولها الى آخرها سجل اعجابي بالقافيه والمعنى والجزاله

بسم الله الرحمن الرحيم
الحمد لله والصلاة والسلام على اشرف خلق لله
أما بعد : بسمي وبسم قبيلة الحراجين
أول شي نقول لك صح اللسانك وثاني شي نقولك بيض الله وجهك الى شرفتنا في حفل بني عمك الحراجين والله ثم والله أنك ماقصرت قصيدة جزلة من شاعر جزل والقلم يجف عندما اتحدث عنك والحفل شهد لك نجوميتك عندما قام المري وهداك المحزم لان قصيدة جزلة والحفل هذا عرفنا عليك ولا نقول الا بيض الله وجهك وأنشاء نشوف في خير وسعادة

نيابة عن بني عمـي وانـا هنيـا
جيت اتكلم وكـل يبـدي شعـوره
اعداد ماداج وسط الكون من حيـا
واعداد صبح تنفس وانبلج نـوره
واعداد ما مال وسط القايلـة فيـا
واعداد ما رفعت الرايات منصـوره
ترحيب طيب وكرامة يشبه الضيـا
ترحيب بين القبايـل عالـي دوره
بين الدواسر حزامي عزوتي وايـا
قبيلة بالوفـا والطيـب مخبـوره
صبيان مرة الى من جـات لحميـا
ربع تنومس نهار تكثـر شـروره
مريـة تقنـع الطـمـاع لاعـيـا
حتى يطيح السطر من راسه وجوره
صح الله لسااااااانك ياشااااافي ليين ترضى
عزالله إنك تنومس وتجمّل المحفل يابن شلاح
ابداااااااع وجزالة وتسلسل فالقصيد ماشاءالله عليك
شافي وانا اخوووووك
ويييش عاد باقول ويش عاد باضيف
وشهادتي فيك مخبورة نفداك
ورايي فيك معروف
شاعر
شاعر
شاعر
رغم انف الشعر نفسه
ونفتخر فيك ابن عم واخو والدواسر كافة
وانا اولهم
عسى الله يديم عزك وابداااعك
ولاهاااان منطوووقك الجزل يا الجزل
عسى الله يسعد اياامك
كما اسعدتني بمروري المتواضع
تقبله لاعدمناك..

المشاركة الأصلية كتبت بواسطة محمد بن سالم الخضراني (المشاركة 595621) صح لسانك ياشافي قصيده جزله وانت جزل تقديري