::: مـنتدى قبيلـة الـدواسـر الـرسمي ::: - ماني بقـادر علـى تغييّـر جيناتـك 000 ما دام طبعك كذا مخلوق فـي دمــّــك

- :: قسم الـشعر العــام :: (http://alduwaser.org/vb/forumdisplay.php?f=16)

ماني بقـادر علـى تغييّـر جيناتـك 000 ما دام طبعك كذا مخلوق فـي دمــّــك

السلام عليكم ورحمة الله وبركاته ,,,

قصَيدة رائعَـه إعجبتنـيَ .. عسى إن ترتقيَ لذائقتكمَ الشعريَه ::

مانـي بقـادر علـى تغيـيّـر جينـاتـك 000 ما دام طبعـك كـذا مخلـوق فـي دمّـك
قبلـت عـذرك وروحـاتـك وجيّـاتـك 000 ان جيتني جيت.. وان ما جيت ..رح ..لامّك
لاتبكـي اليـوم تـو اليـوم مـا فـاتـك 000 الوقـت ممـدي ودمعـك يمسحـه كمّـك
وان ما قبلت النصيحـه يـوم هـي جاتـك 000 لاتحسـب انـي حزيـن وناقـلٍ هـمّـك
خلّك علـى مـا تبـي تمشـي بمشهاتـك 000 تمشـي علـى رغبتـك وابليـس مزتمّـك
متـعـدّيٍ مسـتـوى ذوقــي ملـذاتـك 000 اقفيت ضامي بـدون الشـرب مـن جمّـك
لوكنـت ليلـي وانـا سهـران مـا اباتـك 000 ولو كنت شوقي وانا مشتـاق مـا اضمّـك
ولو ذبت لـي شمـع مـا نّـور مسافاتـك 000 ولو كنت ورده من الريحـان مـا اشمّـك
لملـم علـى باقـي الذكـرى جراحـاتـك 000 وتذكّر اني ولـو مـا امدحـك مـا اذمّـك
مـا دام هـوج العواصـف تبتلـي ذاتـك 000 اخـاف تقفـي مـع التـيّـار ويخـمّـك
باقـول لوكنـت طـفـل وذي معانـاتـك 000 الله يسـتـر علـيـك الـحـال ويتـمّـك
وان طعت ياهوه شـوف افضـل هوياتـك 000 اخيـر مـن تبعـة المسمـوم وايسـمّـك
المـوج لاكبـر مـا تنـفـع مهـاراتـك 000 لوكنت سبّاح فـي عـرض البحـر طمّـك
لاشك مـا ضنتـي مـا تسمـع اوشاتـك 000 والصـدق لوعـم خلـق الله مـا عـمّـك
وانـكـان ودّك تـذكّـرهـا بـدايـاتـك 000 من يمي الوصـل والهجـران مـن يمّـك
جـرّب مـع واحـد ٍ غيـري ميانـاتـك 000 مدري لواني بعدهـا صـرت مـا اهمّـك
اكيـد مقـدر عـلـى تغيـيّـر جينـاتـك 000 ما دام طبعـك كـذا مخلـوق فـي دمّـك

دمـتمَ بـوَد ::