صوت(ن) سمعته تل قلبي من اقصــاه =لولا ضلوعي راح قلبي مع الصـوت
لوسمعها اللي ميت(ن) قلب احياه =يشفي العليل الي على حفرةالموت
عز الله اني دالــــه البــال لــــــــولاه =اســهر مثل ولد العواجي على نوت
الله يغض الحـــــب هذي ســــــواياه =والله يلــوم اللي يلومــون بــخــــوت
ماكل قلـــب يدرك الــــلــي تمــنـــاه =الحـــبــل ماهــو للمحبـين مفــلـوت
أنا لــيا شاهــدت غــــرة مـحـــــياه =والله ماأغبط الـلي مصيفه بـ(بيروت)
لو نجتمـع ليـل ونـهــار بـمـضـمــــاه =في ظل غار احسن من ( اوتيل مريـوت)
والا على جـــذرة بــحــر مـالح مــاه =من البحـــر نشرب ونأكــل من الحـــــوت
وألا بقطع من الخـلا ماحــد جـــــاه =غير الجـوازي مابــها ازوال وبـــيـــــــوت
هذا هـوى القلب وغرامه بدنياه =بــخـــدوها وعـــيونها ســــحر هــــــاروت
ماتلتفت للي قروشــه بمخبـــــــاه =اللي يحسبون الهـــوى عـــقل وبشــــوت
فيها الجمال اللي قليله حلايــــــاه =كـــنــه عليـــها نـــازل بالـبـراشــــــــوت
لو تطلب حزام الذهب مالقــينــاه =اقصر من الشبرين واطول من ( الفــوت )
والله ماتصلح حياتـــي بلــيــــاه =دونــه حـدوني جعلهم في براهـــوت
نـويـت اخـاطر وأنهبه من دنـايـاه =وأزبن على زبن الدخيل أبن شــفــلوت
وان مت بأسبابه يجازيه مـــولاه =بس اجدعوني عنـــد بــيــتــه بتــابـــوت