كل ماضاقت علي المساعـي والـدروب=وفي عيوني قلت اسباب وفرص النجـاح
وصارت الدنيا الفسيحة بحجم ادنا الثقوب=وامتلى صدري من الهم والا الصبر بـاح
اتذكـر خالـق الكـون عـلام الغيـوب=مجريً عـذب الينابيـع فالبحـر المـلاح
فزعة الملهوف لاحدتـه كـل الخطـوب=وصار مثل الطاير اللي كسر منه الجنـاح
واحداً يجلى الملمـات ويغفـر ويتـوب=من تعلـق فـي حبالـه تهنـا واستـراح
ثم تذكرت ابلـجً لبـس لنامـوس ثـوب=موقفه يبهـج كبـود الضمايـا بالقـراح
من تذكر مثل صالح ولـو همـه قـروب=ينجلي ليل المعانـاة ويشـوف الصبـاح
لصديق احلى من المـا المهيـا لشـروب=والعدو يسقيه سـمً علـى كبـده ذحـاح
قاد ابن نصار روسً على غيره صعـوب=وعلم اللي يجهل الدرب وين الدرب راح
شوق غيدا تطرف العين من كل الشعـوب=اية فالديـن والزيـن والعقـل الرجـاح
شبه وضحاً تطرب العين والقلب الطروب=دايماً بيـن العشايـر وسرفـات الطيـاح
جعل صالح حي والاش في موته ينـوب=كل ماجا المـوت ياخـذ قليليـن الفـلاح
وجعل يفداه الردي فالشمـال وفالجنـوب=لو من ادنا النـاس ولا البعيديـن النـزاح
وجعل يفداه اخر كنه لطيـب مغصـوب=منته يفرابها الزور اشـد مـن السـلاح
صاحب ماله برحلة هل الفزعة ركـوب=ودك انه يجيك علمة من اعلى برج طـاح
ويش خانت صاحبً ساعة اليسر محسوب=وساعة الشدة كما الريش في صلف الرياح
والمراجل دين لاجنبـت بـاب الذنـ=وبنعتقد ماجا في الوحي والكتب الصحـاح
وعد ماذعذع من الشام نسنـاس الهبـوب=ياسلام الله على صاحب النهـج السمـاح
سالم بن صمهود=