انا لابغيت القاف جاني بدون اخلاف =تجيني معانيه على طول منقاده

عناوين في نفسي واداري البشر واخاف=ضعاف النفوس وكل خبل يبي مراده

احب الوفاء في الناس واقدر العراف=واحب الرجل للدين والصدق بزياده

واحب الكريم اللي حياته ذرى ولحاف =وعمى عيني اللي بس نفعه على اولاده

واحب الفياض الخضر والذود فيها يشاف=لكن الحلال بمرتعه جود قياده

تشوف الحيا متنثر كلبو لصناف=تعجز العيون برسم شكله وتعداده

علوم النشامى والحيا والقلوب نظاف=مافيهم ردي النفس دوني وحساده

واقدرهل الوقفات واقدر الميقاف=ولوهو بعيد الجد ماحازه ابعاده

واحب السياحه والسفر واعشق المصياف=واسوج القدم لايتلف الحال مقعاده

ومن يفعل المعروف عند الرجال اسلاف=يكون الخباث اللي لهم في الردى عاده

وخوة هل الناموس تبقى وتسوى آلاف=ولاينفع المفلول صلبه ولااجداده

وبقا عالة في الناس تطلع على لكتاف=عرايا من الاحسان للخلق نقاده

تعاين مصالحها على قمة المشراف=سواد النوايا لبلج الحق جحاده

قوانينها بالكذب والحقد والارجاف=وانا اقول ماللصنف ذا الا حملة اباده

وشعارنا والشعر في ذا الزمان يعاف= ترى احسن اسم يطلق على الربع كداده

وحتى قنوات الشعر غيرت لهداف=على حسب ماتدفع نسرك برداده

وتبون الصراحه نادر ماسمع ماشاف =ترى من يخالف واقعه ضاع ميراده

صح لسانك واعتلى شاانك ..
ولاهنت على القصيده الجزله ُ
تقبل ودي وتقديري