|
حفلة راشد ......
اخواني أعضاء وزوار منتدانا الشامخ يسرني أن أنقل لكم هذه القصيدة للشاعر: نايف بن مسرع والتي قالها قبل فترة قصيرة في حفلة زواج أخيه راشد وإليكم القصيدة:-
يامسندي هات القلم طرّف الليل = والعين جافيها من النوم جافي يحرم علي النوم مادام بي حيل = لين الصبح ينباج مانيب غافي ماهيضني لابسات الخلاخيل = نجل العيون موردات الأشافي ياما خذن بين المناعير حلحيل = وباسبابهن تسفي عليه السوافي هيضني اللي جاب بيض المراسيل = من كف عودٍ في المواجيب ضافي أبوي تشهد له قروم الرجاجيل = وكلٍ يقول أنا اشهد إنه سنافي كريم سبلا في الليالي المماحيل = وغيثٍ لضيفه في السنين العجافي ماشيف زوله مع هل القال والقيل = وله مجلسٍ مايدخله كل هافي والعاني اللي ذاق مر وغرابيل = لامن نصاه يروح همه عوافي يشيل حمله لاعجز عنه ماشيل = ويورده حوضٍ قراحٍ وصافي يقول (ابو مسرع): هلا عدة السيل = وعداد من صلى بمكة وطافي وعداد من كبر وزوّد بتهليل = في عشر ذي الحجة ولاهوب كافي وعداد مادارت صوان الفناجيل = بين النشاما أهل الصدور النظافي باللي لحفلة ( راشدٍ )جو مقابيل = في ليلةٍ لاغلى الليالي تضافي فيها يساق الطيب والبن والهيل = للي إلى جاه النبيبة يشافي حفلة صبي منشهر كنه سهيل = ومن عاشره يعرف كثير الخوافي سمي شيخ في اللقا يتعب الخيل = لا صاح ( أخو صهدة ) يجيهن خفافي زيزوم ربعٍ في الحرايب مشاكيل = ياطا بهم درب الخطر ما يخافي واختامها وعداد وبل المخاييل = يامرحبا باللي على الحفل لافي |
لاهنت يابوعبدالمحسن على نقلك هذه القصيدة للشاعر الكبير/نايف بن مسرع
والله يسعد اخوه راشد ويرزقه بالذريه الصالحه ويبارك له... ولاشك بان القصيدة وافيه من وافي كما عهدنا شاعرنا ابو مسرع... صح لسانك ولسان الشاعر نايف مسرع |
ومن قال مايهون يابو ناصر
وعساك سالم يابن العم ، ومرور شاعر مثلك على مشاركتي يزيدها جمالا وتألقا ، فدمت ودام توهجك وتقبل الود والإحترام .... |
الأخ بومحسن بيض الله وجهك على ايراد هذه القصيدة صح الله لسان الشاعر الكبير نايف بن مسرع آل بوسباع على القصيدة الرائعه الرااائعه ويستاهلون آل مسرع والله كل ماقيل فيهم حيث انهم اهل المدح .
أبوي تشهد لـه قـروم الرجاجيـل=وكلٍ يقول أنا اشهـد إنـه سنافـي كريم سبلا فـي الليالـي المماحيـل=وغيثٍ لضيفه في السنين العجافـي ماشيف زوله مع هل القال والقيـل=وله مجلسٍ مايدخلـه كـل هافـي والعاني اللـي ذاق مـر وغرابيـل=لامن نصاه يـروح همـه عوافـي يشيل حمله لاعجـز عنـه ماشيـل=ويـورده حـوضٍ قـراحٍ وصافـي الله يطول بعمر بأبومسرع ويمد بعمره على طاعته ، ومهما قلنا فيه فلن نوفيه حقه من المدح
حفلة صبي منشهـر كنـه سهيـل=ومن عاشره يعرف كثيـر الخوافـي سمي شيخ في اللقـا يتعـب الخيـل=لا صاح ( أخو صهدة ) يجيهن خفافي زيزوم ربعٍ في الحرايـب مشاكيـل=ياطا بهم درب الخطـر مـا يخافـي يستاهل الأخ راشد والله يبارك له ويرزقه الذرية الصالحه ويوفقه في حياته ويخليه لعين ترجيه. |
لاهنت// ياابوعبدالمحسن المسعري على الاختيار المميز
والحر امثالك صيداته الجزلات بارك الله لك في شعبان وبلغ الله رمضان وصح الله لسان الشاعر الكبير//نايف بن مسرع على هذه القصيده الجزله أبوي تشهد لـه قـروم الرجاجيـل وكلٍ يقول أنا اشهـد إنـه سنافـي كريم سبلا فـي الليالـي المماحيـل وغيثٍ لضيفه في السنين العجافـي ماشيف زوله مع هل القال والقيـل وله مجلسٍ مايدخلـه كـل هافـي والعاني اللـي ذاق مـر وغرابيـل لامن نصاه يـروح همـه عوافـي يشيل حمله لاعجـز عنـه ماشيـل ويـورده حـوضٍ قـراحٍ وصافـي كفو والله كغو اخوكم/// رجوم الشياطين |
ارحب يابو مبارك....
الأخ العزيز الغالي : هايف العماني ( ابو مبارك)
مرحبا 1000000×1000000 مرحبا تراحيب المطر يابن العم ، ولا عليك زود ، والمدح أيضا للمناعير شرواك ، فأنت السبب بعد الله في جمع بني عمنا في هذا الصرح الشامخ وليس غريب عليك طول الله عمرك على طاعة ، فأنت من ربع فايزين بالمراجل أول وتالي وتاريخهم يعجز التاريخ عن وصفه ، ومهما قلت فلن أوفيك حقك يابن العم. مرة أخرى أرحب ثم أرحب وشرفني مرورك ياطويل العمر ولك الود والتقدير ،،،، |
اقتباس:
ابو عبدالمحسن المسعري يعطيك العافيه على ايراد هذه القصيدة الجزلة هنا في المنتدى وابو مسرع شاعر فحل ولا يأتي بمثل هذه الابيات الا من هم على شاكلة الشاعر نايف بن مسرع .. وصح الله لسانه ويسلم بنانه .. على ما سطر من قصيدة قرأتها اكثر من مره لإعجابي بها وبكلماتها الجزلة .. بيض الله وجهك ووجه ابو مسرع .. تقبلوا تحياتي وتقديري ,, اخوك في الله محمد الغريري |
السلام عليكم ورحمة الله وبركاته : الرائع أبو عبدالمحسن المسعري : دائماً مع مشاركاتك يكون لنا موعد مع الإبداع والتميز...... شاعر وتحمل ذائقة عالية في إنتقاء مايلفت أنظار المتابعين من الشعر الأصيل... دمت بهذا التوهج والعطاء ووفقك الله لمافيه خيري الدنيا والآخرة.... ونقول للعريس راشد: بارك الله لكما وبارك عليكما وجمع بينكما في خير أسأل الله أن يرزقنا وإياكم الذرية الصالحة والحياة الهانئة المبنية على شرع الله ورسوله........ وللجميع خالص التحية والتقدير.... |
الأخ الغالي: رجوم الشياطين
مرحبا بك والله يحييك ، تشرفت المشاركة بمرورك الكريم وتعليقك العطر ، ياشاعر النظم والمحاورة في منتدانا الشامخ. أسعدني مرورك فتقبل الود و التقدير ،،، |
ارررررحب يالغريري:
مرحبا والله ومسهلا ، مرحبا تراحيب المطر ، مرورك وتعليقك على المشاركة زادها جمالا وتألقا ، فدمت سالما وغانما والله يحفظك ويطول عمرك على طاعة يابن العم. |
اقتباس:
لاهنت يابوعبدالمحسن على نقلك هذه القصيدة للشاعر الكبير/نايف بن مسرع والله يسعد اخوه راشد ويرزقه بالذريه الصالحه ويبارك له... ولاشك بان القصيدة وافيه من وافي كما عهدنا شاعرنا ابو مسرع... صح لسانك ولسان الشاعر نايف مسرع وسلمت يمناك يالقرم عاطر التحايا القلبية لمقامك العالي من محب الجميع |
الأخ الغالي والشاعر الكبير ( برق الجنوب )
مرحبا مليون في مليون يابن العم ، ويسرني وجودك في متصفحي المتواضع الذي أتشرف بوجودك وتعليقك على المشاركة التي زينها مرور برق الجنوب ، وبصراحة الإبداع هو تواجد امثالك في هذا الصرح الشامخ ، فدمت لنا وللمنتدى ولأبناء العمومة ولك الود والتقدير ،،،، |
أرررحب يابو بطي ترحيبة العطشان لاشاف الغدير ، مرحبا والله ومسهلا بك وبمرورك العطر وتعليقك الرائع وكلماتك التي عطرت بها متصفحي المتواضع .
تقبل من أخيك أجمل الود والتقدير ودمت سالما وغانما . |
الساعة الآن 11:41 PM
 |
Powered by vBulletin® Copyright ©2000 - 2025, Jelsoft Enterprises Ltd.
---