اعسف بيوت شعري مثل عسف الرحال=في حلايا جنابك يالطيف الجناب
بس بيتن ذكرته فيك كثر الجدال=يوم كل العذراى تحت ماطا التراب
واعتذر كان يرظن مترفات الجمال=ماقصدت احتقار ولاقصدت السباب
اتوجد عليها بالبيوت الجزال=وجد من شاب راسه في بلوغ الشباب
يامبارك ذبحني مثل ذبح الجمال=يامبارك طواني مثل طي الكتاب
هوجنوبن وداري منه بقصا الشمال=ودونها القوم شلت في يديها الحراب
ابغي ازور داره كان فيها مجال=ياحياتن بدونه ياحيات العذاب
يوم قفى وليفي صار عيشي محال=لاسقا الله مراحه فوق ذيك الركاب
راح ودموع عينه فوق خده همال=واشرت بالوداع ولاثنت لي جواب
وصرت عقبه ألاحي الورق فوق الطوال=اتخيله عندي وثر زوله سراب
واسألك يبن عمي وذا مجرد سوال=يوم جرح المولع مالقا له طباب
وش دوا من تولع في فريد الخصال=من غدا الهم خله والشقا له زهاب

**


صح لسانك وإعتلا شانك
دمتْ ,,