|
وكني على بعض الدلال مغصوبي
هذي قصه لـ الشاعر سعد بن مبخوت الشكره ( ابو سالم ) حيث انه قد تجمل في ناس واكرمهم ويوم راح للكويت وكان يقصد واحد من جماعته ولكن صدف دوامه تذكر ربعه اللي تجمل فيهم وقصده يوم جاهم يبي القهوه ولا يبي شي غيرها ولكن جفلوا منه يحسبون انه يبي رد الجماله وهذا مهب قصده لكن يبي يتقهوا لين يرجع خويه من الدوام المهم ما حصل منهم الترحيب مثل ما رحب فيهم وعرف انهم تردوا وقام منهم وراح وتركهم يوم بانت وجيهم بالتقصير وراح ياخذ القناد والقهوه من يماني وقام باختبار اليماني وقاله عطني الزهاب ولا معي دراهم ويبي يشوفه هو مثل اللي اجحدو الجماله ولا اشكل منهم وقال اليماني لبو سالم والله انه ابرك وجه شفته انت من فتحت المحل ومبين ان وجهك مبارك لكن اخذها ولا ابي منك شي يكفيني ذا الوجه المبروك واخذ ابو سالم الزهاب وراح في البر على حد العروق ويدق النجر ويزين قهوته وعليه تذكر ربعه اللي تردوا وجفلوا وحاسبينه يبي منفعه وقصد قصيده طويله لكن ما قدرت اجمع الا ذا الابيات وهي تحكي عن القصه المذكوره القصيده :
ارجع ليا قلطت بدون ترحيب = وكني على بعض الدلال مغصوبي واجفل ليا شكيت بعض العذاريب = ماني بخطوا واحد ٍ ما يتوبي لديت بالدينار ماهوب بالجيب = حيث العميل قال وجهك ينوبي دنيت ما يبعد عوماس الشواريب = فنجال اشقر غايتي ومحسوبي ودنيت نجر يقنب الصوت تقنيب = يذهب العوماس في حزة الشروبي واتمنا ان تنال اعجابكم |
ارجع ليا قلطت بدون ترحيب = وكني على بعض الدلال مغصوبي واجفل ليا شكيت بعض العذاريب = ماني بخطوا واحد ٍ ما يتوبي لديت بالدينار ماهوب بالجيب = حيث العميل قال وجهك ينوبي دنيت ما يبعد عوماس الشواريب = فنجال اشقر غايتي ومحسوبي ودنيت نجر يقنب الصوت تقنيب = يذهب العوماس في حزة الشروبي واتمنا ان تنال اعجابكم [/QUOTE]المراقب المبدع الشكري يامرحباً تراحيب المطر ياابو عبدالله الحقيقه الجزل شرواك مايأتي إلأ بالجزايل قصه تحصل على أغلب الناس والطيب ماعليه وسم ولكن مثل ماقال الأول
من يحط الطيب بعيال الحمايل=ياجده مثل الدراهم في رصيده
صح الله لسان الشاعر سعد بن مبخوت الشكره ( ابو سالم ) على هذه القصيده وياليتك تحاول تجيب تاليها لاهنت وبيض الله وجهك ياابو عبدالله إبداع وتوهج متواصل الله لايخلينا منك وجعل من أرثك في الجنه عاطر التحايا القلبية لمقامك العالي من محب الجميع |
ابوعبدالله كتبت وابدعت سلمت يمناك وصح الله السانك والسان سعد ابن مبخوت الشكره وبارك الله فيك والله يطول باعمار شيبانا اللي فيهم الخير والبركه والعلوم الغانمه والسلوم الطيبه والله يرحم امواتهم واموات المسلمين تحياتي لك--ابوشجاع |
السلام عليكم ورحمة الله وبركاته اخي العزيز الغالي ابوعبدالله " الشكري " جعل يمناك مايجها العطب على هذي السالفه والقصيده التي تملا في جنباتها كل العبر التي يشتكي منها اكثر الناس الى من رحم ربك الى وهوا الجفي من الرفيق الذي يرافق للمصلحه فقط واسأل الله ان لا يكثرهم في هذا الزمان. ومثل مقال الشاعر
من عافنا عفناه ولو كان غالـي=ومن باعنا بالرخص بعناه بزهود
وصح الله السان الشاعر سعد ابن مبخوت الشكره. ابوعبدالله ننتظر جديدك المميز جعلك تحيى اخوك / فهد الغريري,, |
اقتباس:
الاخ العزيز / محب الجميع ومحبوبهم لك البقا يا بو بطي وشرواك الطيب يا قرم الدواسر والشكر لك على المرور الكريم والكلام الجميل ووجهك ابيض لا عدمناك وان شا الله يحصل اللي تبي وتكمل القصيده باذن الله وما اقول الا جعل شيبان ارثوك الجنه بـــــــــــارك الله فيــــــــــــــــــــــــك |
اقتباس:
الاخ العزيز / ابو شجاع الرجباني جعل يمناك ما تعرض على النار ولا على شيبان ارثوك ولا عليك زود يا نسل القروم وصح الله بدنك وجعل عمرك يطول على عز وطاعه وجعلك تسلم ويسلم غاليك والشكر الجزيل على مرورك الكريم اللي اسعدني |
اقتباس:
اخي العزيز الغالي / فهد الغريري الله يعزك بطاعته وجعل يمناك ما تعرض على النار وجعلك والله سالم وغانم ونعم صدقت يا بو راشد بارك الله فيك وصح الله بدنك واشكرك على مرورك الكريم اللي تشرفت فيه ولا خلينا منك بارك الله فيك |
ياوجد حالي وجداه لاجاتك من قريب ودك التقصير يجي من بعيد ولايجي من قريب
ولكن الشكوى على الله هذا الزمان ايغير الناس.. مشكور اخوي على نقلك لهذه السالفه والقصيدة... |
ارجع ليا قلطت بـدون ترحيـب
************وكني على بعض الدلال مغصوبي واجفل ليا شكيت بعض العذاريب **************ماني بخطوا واحد ٍ مـا يتوبـي لديت بالدينار ماهـوب بالجيـب ***********حيث العميل قال وجهـك ينوبـي دنيت ما يبعد عوماس الشواريـب *********فنجال اشقر غايتـي ومحسوبـي ودنيت نجر يقنب الصوت تقنيـب ********يذهب العوماس في حزة الشروبي لاهنت أخوي \ الشكري ....... على إيراد هذه السالفه..... لاتحرمنا من جديدك يالقرم..... تقبل تحياتي......... |
صح الله لسان الشاعر سعد بن مبخوت الشكره
وبيض الله وجهك يا خال على السالفة والقصيدة ونتمنى تكلمة القصيدة في اسرع وقت تقبل تحياتي،، |
الله يجعلنا من اهل الطيب ومن الي يردون الجمااايل
اطال الله بعمركـ اخي الشكري |
اقتباس:
الاخ العزيز الشاعر / الودعاني صدقت صدقت لكن ذا دبور وردا نصيب والشكوا لله الشكر لك على مرورك الكريم وردك الجميل وتسلم ويسلم غاليك |
اقتباس:
الاخ العزيز / الشرافي ولا انت طال عمرك واشكرك جزيل الشكر على مرورك الكريم وردك الغالي وتسلم |
اقتباس:
الاخ العزيز / هايف العماني صحت ابدانك ووجهك ابيض وان حصلت باقي القصيده ابشر والشكر لك على مرورك الكريم وردك الجميل وتسلم تسلم |
اقتباس:
الاخ العزيز / بندر الدوسري اللهم امين واجعلنا اللهم ممن يردون الطيب بالطيب و لا نجحد الجماله ولا تجعلنا ممن يجحدون الطيب بارك الله فيك وعسا عمرك طويل واشكرك جزيل الشكر على مرورك الكريم |
الساعة الآن 07:43 AM
 |
Powered by vBulletin® Copyright ©2000 - 2025, Jelsoft Enterprises Ltd.
---