عيني بعينك، أشوف، التفت، طالعني=حاير تقول ومزاجك دوم متملّل!
كيف وحنينك دعى شوق(ن) يغالبني؟=أزمان عنّا تغيب، و زود تتعلّل
يا شين مزحك معاي اليوم حارقني=تجرح كثير ويكون القصد،؟! تتدلّل!
لا تشتكي لي عواذل لا تفهّمني=أو شوف لك عذر ثاني منه أتضلّل
ثم، لي محبّين؟! صبرك لا تخاصمني=شريان حبّك بدمّي غصب يتخلّل
ما به سوالف جديده، لو تصدّقني=والله أحبّك، بَخَت من جاك يتذلّل
من شاف طلّتك مال وقال تامرني=من شاف طلّتك صلّى ع النبي، هلّل
عيني بعينك، حلفت إنك تفارقني؟=بيّن دليلك علي، أو منك أتحلّل!!!

المشاركة الأصلية كتبت بواسطة حسن بن بطحيّه الودعاني (المشاركة 567436) صح السانك ياغزلان عزالله شعور صادق ونبض غارق في الرومنسيه لك تحياتي..

المشاركة الأصلية كتبت بواسطة شافي النتيفات (المشاركة 567704) صح لسانك ياغزلان واشكرك جزيل الشكر على النقل المميز

المشاركة الأصلية كتبت بواسطة عبدالرحمن العقيلي (المشاركة 567823) غزلان-ابداااااع بالرغم من اتجاهك الى لغة العتاب فائق التقدير

المشاركة الأصلية كتبت بواسطة مبارك بن الجوير (المشاركة 568053) ما به سوالف جديده، لـو تصدّقنـي والله أحبّك، بَخَت من جـاك يتذلّـل صح الله لساااانك ياغزلان واعتلا شانك.. قاف العجز مع صعوبته لكن متمكن ماشاالله عليك وبقوة ابدعت ووفقت :).. سعدت بمروري المتواضع تقبله لاهنت...

المشاركة الأصلية كتبت بواسطة محمد العبداللطيف (المشاركة 568092) صح السانك غزلان على الابيات الرائعه راقت لي كثير