::: مـنتدى قبيلـة الـدواسـر الـرسمي ::: - ان قلت احبس كيف قلبي يحبس

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - ان قلت احبس كيف قلبي يحبس (http://alduwaser.org/vb/showthread.php?t=49026)

ان قلت احبس كيف قلبي يحبس

ان قلت احبس كيف قلبي يحبس=وان جاني صدس قلت حبس ملاني
نوبه احبس ونوبه في القلب صدس=والشوق مقفي صوبس اليوم عاني
مرذي جبينس خصلتس يم خدس=وعينس تلاقي رمشس الي دعاني
وحكيس تلاقى صوب دقات قلبس=وتناقله ثغرس من الروح مجاني
لمن دعيت احد(ن) اناديه بأسمس=ولمن دعيتس فز قلبي وخلاني
سبحان منهو صورس كيف وصفس=تلوج في قلبي مواصيف طرباني
اشره على صدس وقلبي على خبرس=واشوفس بعيني واعذرب بنسياني
لمن حكيتي واستهل ضحك سنس=دقات قلبي تستوي جهد ميداني
اضحك واسولف واتْبع قيس دمس=واعاتبس اول خطا واسامحس ثاني
ان قلت احبس ولله اني احبس=مير البلا اني في ذا الحب طمعاني

وسلامتكم

محمد بن حسين الحضيري