يازين فعل يا الدواسـر فعلتـوه=فعل سبقتوا فيـه كـل القبايـل
حتى لو الناس بعديـن سـووه=انتم هله من قبل وانتم لاوائـل
قلتوا كلام للضيـوف وحميتـوه=وعاداتكم با لضيف فعل الجمايل
يوم المزاين بينكم ما احتكرتـوه=ماعودوا ضيفانكم بـا لفشايـل
من كان معه مشاركه ما منعتوه=ماقيل ذا واجد وذولـي قلايـل
بينتوا العلم الجميـل ورفعتـوه=للي يحسب ادقاقهـا والجلايـل
تستاهلون الطيب يا اللي عملتوه=ويفوز بالطالات من كـل طايـل
ماهمكم مال العناء لو جمعتـوه=ماباقي إلا الفعل والمـال زايـل
هذا طريق للنشامـى رسمتـوه=إلا الذي سلمه عن الطيب مايـل
قررتوا الدرب الصحيح وفرضتوه=مثل القلايد في رقاب الأصايـل
قـاف السبيعـي يالدواسـر قريتـوه=ردو علـى دسمـان جـزل المثـايـل
ياكاتـبـاً خـطـي لدسـمـان ودوه=يستاهـل البيضـاء صبـي الصمايـل
دسمـان معـروف وبالطيـب سمـوه=الإسـم مـن فعلـه يجيلـه دلايــل
اهله على المعـروف والطيـب ربـوه=علـى الوفـاء والمرجلـه والفضايـل
مدحه جميل فـي الدواسـر وسمعـوه=لبيـك ياقرمـاً كتـبـت الرسـايـل
من جاء الدواسر يا ابيض الوجه عزوه=يرتـاح مايشكـي همـوم ومـلايـل
بينـت ماشافـت عيونـك وســووه=ترى الشهم يثني على أبناء الحمايـل
لاجاء المزاين فبيض الوجـه نـادوه=حطـو الجوايـر للسبيعـي نفـايـل
ربعـك سبيـع كـل طيبـاً تبـنـوه=سبيـع تعـرف بالفعـول الجـلايـل
ترى القبايـل مالهـا حـق مسفـوه=مانيب مـن ينسـى حقـوق القبايـل
الشاعر اللي مايفيـد القبيلـه=ماللشعر قيمه ولا للشعر ذوق
الشعر مايصعب علي تعديلـه=أجيدها والعب على كل طاروق
القول جزلً والمعاني جميلـه=مثايلي مثل الذهب وارفعه فوق