|
ابيات غزليه (الثقيل)
خل عنك الصد واقلط علينا ياثقيل = قطعتك فيني ترا ماهي تثيبك بحسنه العمر ماراه شيً دام وصلك مستحيل = وليوم في غيبتك عني يعادل له سنه ويش عذرك من ربيب الدار قلي ياجميل =وانت من خاشره عيشه وملحه وصحنه بري حالي من دقاق العنق ولرمش الضليل = شيب عيني بحالي يوم تنشدي عنه وانت جاهل في حصيل الود لو انه قليل = ينعش النفس الضميه ولو غلي ثمنه والوصل بيني وبينك لوقطع عنه السبيل = والله اني لاتعلق فيه واقضب في رسنه ضيقتي ماعاد روحها هوا الصبح العليل = دام هاجوس التفرق شق صدري وزبنه فانت وان كانك تهرب للمواجهه لاتغيل = مثل ماجساس يوم ادبر كليب وطعنه |
الأخ / عبد الله الصخيبري صح الله لسانك ولاهان الله منطوقك ياخوك وشفيك علينا وذا الغزل ترى القلوب خضر |
غزليه مبدعه بالحيل...
صح لسانك اخوي عبدالله الصخيبري ولاتبطي علينا بالغزليات.. |
الاخ الغالي الواضح مني لك صادق الود وشاكر لك مرورك العطر وعلى ماقال الحي يحييك والتكمله عليك
لك خالص التحايا اخوك:عبدالله |
الغالي ابو ناصر صح بدنك ولك خالص التحايا
|
عبدالله الصخيبري
صح الله لسانك ملايييييييييييييين قصيده فوق الوصف والتقييم لاهنت وبيض الله وجهك يالقرم عاطر التحايا محبك دغش البطي |
ابو محمد مرحبا ومسهلا وصحت بدنك ولك خالص الشكر والتقدير على المتابعه والتعليق الرائع
|
اخوي ابو سعود
صح ألسانك صح ألسانك تبيلك جلسة خصوصية حتى تجيب ماوراك ودونك تحياتي |
هلابك يابو فهد اغلا من بيجي بس ترا ماهوب ادنى ماجابني مانيب احب ابين الخافي
|
الساعة الآن 10:05 AM
 |
Powered by vBulletin® Copyright ©2000 - 2025, Jelsoft Enterprises Ltd.
---