يقول من يكتب وينقا مثايله = يترك هوّينها ويركب صعيبها
لاقالها ثم ساقها وأستوت له = يعفّي جوانبها عن اللي يعيبها
يدرك ويفهم كل جابه يقولها = يخاف نقاد القوافي يصيبها
من بعد هاذا سقتها يم أهلها = تعرف مراجلها وتعرف بطيبها
دواسرً تعرف ويضرب بها المثل = تاريخها معروف قبل أحكيبها
تاريخها معروف بين القبايل = يجهر بها فوق المنابر خطيبها
لازارهم خايف تهنا بدارهم = دواسرً فعل الوفى من نصيبها
الجار يوم جدارهم طاح فوقه = ساقو الجار البيت وخلص طليبها
جريس يوم انه زبنهم بدارهم = حموه من نارً يسوقه لهيبها
انا افتخر فالزايديه وتغلب = اللابة اللي كلنا نحتميبها
يزاهبها التاريخ وامجادها اللذي = كمً عدوّن لاذكرها يهيبها
سجلتنا وأمليت ماهاض ضامري = اببتدي في مدحها وأنتهيبها
مثايلً يطرب لها كل مستمع = مثل الذهب في سوقها وتهذيبها
صلات ربي عد ماحج واحرم = واعداد ماهز الهوى من عسيبها
على نبيً شرف الله مقامه = محمد نبيً سنته نقتديبها

المشاركة الأصلية كتبت بواسطة محمد بن حمد الشكرة (المشاركة 563986) صح الله لسانك مدد ماهوب عدد قصيدة جزلة وكايفة ويستاهلون لابتي محزم راسي الثناء والمجد لاعدمناك ياالقرم

المشاركة الأصلية كتبت بواسطة شافي النتيفات (المشاركة 563998) صح لسانك يابن سويحل ولاهنت والدواسر يستاهلون الطيب

المشاركة الأصلية كتبت بواسطة نايف الخييلي (المشاركة 564174) الشاعر الجزل سعد بن سالم صح لسانك وبيض الله وجهك على هذه الشامخة الشعريه وعز الله قصيده جزله ورائعه تصور مفاخر القبيلة فجزيل الشكر لك على طرحها ودمت متألقاً يابو سالم تقديري لك

المشاركة الأصلية كتبت بواسطة اسيرالموج (المشاركة 564391) صح الله لسانك يابا سويحل لاهنت..

المشاركة الأصلية كتبت بواسطة حفيد الأمراء (المشاركة 564395) الشاعر الجزل سعد بن سالم الخضران أبوسطان شاعر الجزالة أرحب تراحيب المطر وعزالله قصيده جزلة من شاعراً جزل صح لسانك وبيض الله وجهك على هذه الشامخة الشعريه وعز الله قصيده تهول ورائعه تصور مفاخر القبيلة فجزيل الشكر لك على طرحها ودمت متألقاً يابو سالم تقبل فائق تقديري وأحترامي أخوك حفيد الأمراء

المشاركة الأصلية كتبت بواسطة بدر بن صقر العجالين (المشاركة 564473) صح الله لسانك يابن سويحل على القصيده المميزه:) لاهنت وبيض الله وجهك على مدح القبيله كفوو.. تقبل تحياتي،،

المشاركة الأصلية كتبت بواسطة محمد مبارك ماجد (المشاركة 564479) سعد بن سويحل الخضران أشهد انك ظوعت الأبيات واخترت القافيه المناسبه مدحتنا يابني عمك وانت منا فأبدعت صح لسانك

الطيب لأهل الطيب يستاهلونه = رد الثنا والطيب لمثلك وشرواك