بسم الله الرحمن الرحيم

اخواني الكرام في منتدى قبيلة الدوراسر الرسمي
السلام عليكم ورحمة الله ربركاته
هذه اولى مشاركاتي واتمنى من الله ان تحوز على شي من رضاكم
اخوكم الشاعر/عبدالرحمن العقيلي

يابـرق يلـي بالسـمـا بـارقـك لاح=واسهرتنـي بابـرق ليـن الصبـاحـي
انـا دخيلـك يـوم ريـح الحيـا فـاح=قلي وش اخبـار الحيـا يـوم طاحـي
وان كان لك بكرة مع الصبـح مسـراح=خذني معـك دام السفـر لـك مباحـي
كان السياحـه فالسمـا وانـت سـواح=انـا بعـد فـاول حيـاتـي سيـاحـي
خذني على يمينـك مـع الجـو مـلاح=تـراي فاهـم فـي جميـع النـواحـي
ماعـاد باقـي فالعمـر كثـر مــاراح=حتـى نذيـر الشيـب فالوجـه لاحـي
لاجيت اغمـض تالـي الليـل وارتـاح=غمضت جفنـي والجسـم مااستراحـي
يزورنـي طيـر(ن) يغـرد بـلا جنـاح=سريـع بالجيـه وعـجـل الـرواحـي
واطرب لصوت صغيـر السـن لاصـاح=واعتب على فيصـل لكثـر الصياحـي
صوته جذبني واحسـب الـورع مـزاح=وقـول لـه ماهـوب وقـت المزاحـي
وافـز مـن نومـي ولاقيـه كــد راح=ياحيرتـي يابشـرق وشـلـون راحــي
قفـا ودمعـه فـوق الاوجـان سفـاح=وش حيلتـه غيـر البكـا والنيـاحـي
مايقطـع امـواج البحـر غيـر سبـاح=والطيـر مايشـهـر بلـيـا جنـاحـي
سهرت مـن اجلـه ولاذقـت الامـراح=تقول فـي صـدري سهـوم الرماحـي
يابـرق كـان لخوتـي منـت مرتـاح=انـا بعـد مالـي ومــال المـراحـي
وان كان نورك فالسماء صـار وضـاح=يابـرق مالـك بالطويـلـه صـلاحـي
ماشفت لك ضوء تقل ضـوء مصبـاح=من غير ضاحك صـار للنـار ضاحـي
نـارا سناهـا صاحبـه هيـل فـيـاح=يجذبـك لاهبـت هـبـوب الريـاحـي
شبـة رجـال ماتحـسـب لـلاربـاح=دار السعـد وجـه السعـد والفـلاحـي
اليـا لفيتـه لاطيـب الحيـل ذبــاح=يـوم الـردي غيـره يدينـه شحاحـي
من غير ابو صالح من النـاس سمـاح=وحنـا نريـد المـعـذره والسمـاحـي
اخاف تنـزل عبرتـي وسـط الافـراح=واخـاف قـدم النـاس سـدي يباحـي
انـا مـن او ل ياسعـد كنـت جـراح=واليـوم ادوور مـن يعالـج جـراحـي
كني كسيـر(ن) بـاول القـوم لاطـاح=من طيحتـه طـاح العلـم والوشاحـي
شربت كاس المـر فـي كـاس تفـاح=والـمـر لـلـي مايعـرفـه قـراحـي
والطـب مايبـري لـك السـد لابــاح=اللـي يداويـنـي ظـبـي البـراحـي
اللي لمحته ياسعـد مـن وراء سنـاح=وجـدي علـى شوفـه بليـا سناحـي
ابـو جديـل(ن) فـوق الامتـان لفـاح=بشوفتـه يـاخـوك هـمـي يـزاحـي
احـد(ن) يزيـح الهـم ويـداو الارواح=واحد(ن) يجيب الك المرض وانت صاحي

بقلم الشاعر/عبدالرحمن العقيلي

المشاركة الأصلية كتبت بواسطة فارس الدبالين (المشاركة 563542) الشاعر عبدالرحمن العقيلي صح السانك ولاهنت على القصيده الرائعه والجميله تقبل مروري المتواضع ولك تحياتي .

مرحبا ملايين يافارس


صح بدنك والاجمل من القصيدة والاروع مرورك الكريم


تقبل تحياتي

المشاركة الأصلية كتبت بواسطة نايف الخييلي (المشاركة 563543) الشاعر عبدالرحمن العقيلي اولاً احييك في الموقع ويامرحبا بك ونتشرف بإنضمامك لنا صح لسانك على هذه القصيده الرائعه

ارحب يانايف

تحيا وتبقى جعلني مبكيك والشرف الاول لي انا لوجودي بينكم ياعيال زاايد

صح بدنك ملاييين والاروع من القصيدة مرورك الكريم

تقبل تحياتي

المشاركة الأصلية كتبت بواسطة ابو زيد الغييثي (المشاركة 563555) صح السانك ولاهنت على القصيده الرائعه والجميله

المشاركة الأصلية كتبت بواسطة شافي النتيفات (المشاركة 563655) عبدالرحمن العقيلي صح لسانك ولاهنت

المشاركة الأصلية كتبت بواسطة بطل (المشاركة 563668)

المشاركة الأصلية كتبت بواسطة بنت الذيب (المشاركة 563712) الاخ عبدالرحمن العقيلي صح لسانك ابياتك في قمة الجمال لاهنت

الف شكر على مرورك اختي بنت الذيب


وصح بدنك

تقبلي فائق الاحتراااااااااااام

تحياتي

المشاركة الأصلية كتبت بواسطة غزلان. (المشاركة 563780) صح لسانك واعتلى شانك قصيده رائعه لاتأتي الا من متمكن مثلك ودي واحترامي