سـلام سـلام ياجـرة قـدم ثـلاب سـلام=سـلام لوكـان جّـره ماتردّيـن السـلامـي
سـلام يـا محمـل اقبـل ببنـداره وخـدّام=تفداه نمر السرايا من سروق ومـن حرامـي
يا مل عيـن تلـد خلافهـا والـدرب قـدّام=ان كان تمّت على ذا الحال يا ما أطول سقامي
ويامل قلبٍ من الفرقـى يحـن ويـرزم ارزام=ارزام خلج طلوع سهيل يوم القيـظ حامـي
يسقيك يا الديرة اللي مابعد جيتك من العـام=واليوم مرّت بي الغربة وابـا أرد السلامـي
قلت اقهر الزمل اوادع قال هيّا الـدرب قـدّام=الله لا يرحـم الجمّـال مدهـون الرسـامـي
ان مت ياهلي تراني عند ابوخمسة عشر عام=اركى على الكبـد حـد ماتوقيـه العظامـي
انوح عامين واسلي يوم وابكي عشرة ايـام=مليت لو محزمي زيـن البـوازم واللزامـي
يا من سميّه يجي بين الليالي وبيـن الأيـام=باقفاية الليل واقبال النهـار مـن الاسامـي
والاسم الاخر يذكر بالمدينـة بنـدر الشـام=ما بين جدة ومكة ما يجـي درب المظامـي
يا ليت واياك ياثلاب لامـا لـو ميـة عـام=لو كان بالقبر عظمانك تـلا يمهـا عظامـي

:::
::
:




صح لسانك يا ابومطرُ وصح لسان الشاعرُ ,
،،

ولـآهنت يا القرمُ على النقلُ وبارك الله فيك