قلتي فمان الله وانا ماتوقعت=من شدة الصدمة حروفي عقيمه
من حكمك القاسي على ماتنبهت=ومن بعدك الجافي عظامي هشيمه
خذيت عشقك داخلي ماتندمت=اسباب حبك عندي كانت عظيمه
كنتي في عيني جنتي لاتحلمت=واصحى ومرسالك حروفه كريمه
وكنتي في عقلي جالسه لاتكلمت=واول حكي من داخلي لك حشيمه
وكنتي الفرح في بسمتي لاتضاحكت=ومن مبسمك زف البحر لي نسيمه
وكنتي الحزن في دمعتي لاتزاعلت=واذرف دموع الكون لجلك غنيمه
وانتي العلاج بداخلي لاحضر طبت=واصعب جروحي بعد صوتك سليمه
ومن روحك العذبه في صدري تنفست=كن النفس واحد وعندي مقيمه
يامركب الطاغي في عيني تولعت=مهما غدا عشقك في قلبي جريمه
لو للهوى درس(ن) في قلبي تعلمت=منهو تولع عشقه جاته الهزيمه
اعلنت حكمك بس انا ماتنازلت=صعبه تهون بقلبي عشره قديمه
ودعتك الله و ياعساني تحملت=فراق من صوبك جروحه يتيمه

المشاركة الأصلية كتبت بواسطة نسل الأجاويد (المشاركة 550948) اعلـنـت حكـمـك بــس انـــا ماتـنـازلـت صعبـه تـهـون بقلـبـي عـشـره قديـمـه ودعـتــك الله و يـاعـسـانـي تـحـمـلـت فــراق مــن صـوبــك جـروحــه يتـيـمـه صح السانك يبو حسين وعتلى شانك قصيده جزله الله يعطيك العافيه عليها تقبل تحياتي وتقديري

المشاركة الأصلية كتبت بواسطة محمد مبارك ماجد (المشاركة 551401) أخوي / محمد صح لسانك واعتلى شانك أخوك / محمد مبارك آل ناهش

المشاركة الأصلية كتبت بواسطة حسن بن بطحيّه الودعاني (المشاركة 551636) اعلـنـت حكـمـك بــس انـــا ماتـنـازلـت صعبـه تـهـون بقلـبـي عـشـره قديـمـه ودعـتــك الله و يـاعـسـانـي تـحـمـلـت فــراق مــن صـوبــك جـروحــه يتـيـمـه صح السانك يبو حسين وعتلى شانك قصيده جزله الله يعطيك العافيه عليها

المشاركة الأصلية كتبت بواسطة ناصر الفصام (المشاركة 551642) الله الله صح لسانك واعتلى شااانك ..

المشاركة الأصلية كتبت بواسطة بدر بن صقر العجالين (المشاركة 551968) أبوحـسـين صح الله لسانك قصيده رائـعه:) لا عدمناك يالحضيري.. وتقبل تحياتي،،

المشاركة الأصلية كتبت بواسطة محمد بن سالم الخضران (المشاركة 552097) صح لسانك يامحمد مبدع وجازت لي القصيده تقبل تحياتي ,,,