|
ابيات مهداه لهايف العماني
يالربع شلو سلامي للعماني = الرفيق الي سكن شرق الحدود الي ببركته جمع قاصي وداني = ودلنا شوره وشوره دليلن مايحود بين ابن عم وضيف وبين عاني = مجمعن يفرح ماهوب يدبل للكبود بيرقن مركوز في رووس البياني = بين للي يشوفه واسمع ياحسود نبرز الحجه علي كيد الشواني = ونظهر البين ونثق وقوعه بالشهود وان حصل شكه ترا هاذا مكاني = شرقي الهدار وغرب امن النفود |
|
الأخ / عبد الله الصخيبري
كتبت فأجدت في من يستحق فلك مني خالص الشكر والتقدير |
يالربع شلو سلامي للعماني = الرفيق الي سكن شرق الحدود الي ببركته جمع قاصي وداني = ودلنا شوره وشوره دليلن مايحود بين ابن عم وضيف وبين عاني = مجمعن يفرح ماهوب يدبل للكبود بيرقن مركوز في رووس البياني = بين للي يشوفه واسمع ياحسود نبرز الحجه علي كيد الشواني = ونظهر البين ونثق وقوعه بالشهود وان حصل شكه ترا هاذا مكاني = شرقي الهدار وغرب امن النفود الاخ العزيز/ الشاعر عبد الله الصخيبري صح لسانك وبارك الله فيك والف شكر على هذي القصيده الطيبه في اخونا العزيز / هايف بن مبارك العماني الغييثات وهو والله يستحق كل خير ويستحق الابيات والشعر اللتي هي تقديرا له ول جهده الكبير والله يعطيه العافيه ويوفقه واشكرك مره ثانيه وعساك على القوه دائما اخوك ابو عبد الله الشكري |
السلام عليكم ورحمة الله وبركاته
اخوي الغالي ابوهادي صح الله بدنك وابعد المكروه عنك شرفني مرورك واخونا هايف يستاهل اكثر وحقه في البايت مهوب في الفايت اخي فهد اثني الشكر لك على الاطراء الطيب يالقرم |
السلام عليكم ورحمة الله وبركاته
ابومبارك حياك الله يابن مسعر وسررت بمرورك الكريم |
السلام عليكم ورحمة الله وبركاته
ابو عبدالله مهوب غريب منك الطيب يامكسر الطيب ومرورك شرفني وزاد صفحتي نور |
بين ابن عم وضيف وبين عانـي=مجمعن يفرح ماهوب يدبل للكبود بيرقن مركوز في رووس البياني=بين للي يشوفه واسمع ياحسـود نبرز الحجه علي كيـد الشوانـي=ونظهر البين ونثق وقوعه بالشهود وان حصل شكه ترا هاذا مكانـي=شرقي الهدار وغرب امن النفود الشاعر عبدالله الصخيبري بيض الله وجهك يالقرم على هذه القصيده يقول الشاعر محمد بن حشفل الخضراني
المدح فيمن يستحق يجي زين=ينقاد في ذكره وينقاد صوبه
لقد عرفت وإخترت من تمدح ياذيبان والحقيقه الأخ والأستاذ هايف العماني مهما يقال فيه فلن ولن توفيه العبارات والأسطر المدح اللذي يليق به بومكانته بين بني عمه فهو رجلٍ أتعب نفسه في خدمة القبيلة لالشيءٍ ولكن من أجل إظهار محاسن ومفاخر القبيله اللتي ننتميلها كلنا بيض الله وجهك ياعبدالله على الأبيات الرائعه وصح الله لسانك وإعتلا شآنك مدد ماتنحصي بالعدد تقبل الود والتقدير والشكر والعرفان من محبك ومغليك : دغش البطي |
ابو محمد ارحب ووجهك ابيض وانا اخوك عزالله العزيز ان ابو مبارك يستاهل المدح ومدح المستحق ناموس عسى الله يوفقه فيما سعى فيه ويوفق الجميع على مايحب ويرضا
ابو محمد شاكر لك حسن التعليق والله ياقاك من كل مكروه |
اخوي عبدالله الصخيبري
صح الله لسانك اخوي عبدالله على القصيدة الطيبه وأسأل الله العظيم ان نكون عند حسن الظن دائما ، واعذرني على تأخري بالرد ففي الحقيقة لم أجد كلمات استطيع بها شكرك على القصيدة وما اقول الا بيض الله وجهك وجعل شايب ارثك بالجنه. واشكر الاخوان اللي ردوا بدون استثناء وبيض الله وجيهم وندعوا الله يوفقنا جميعا لما يحبه ويرضاه. تقبلوا تحياتي،، |
اقتباس:
عبد الله الصخيبري صح الله لسانك على القصيدة الجزلة يا بو محمد وعز الله ان ابو مبارك يستاهل ذا القصيدة واكثر ويستاهل ما قيل فيه .. وتقبل تحياتي وتقديري ,, اخوك في الله محمد الغريري |
صح لسانك
ويستاهل المدح ابومبارك هايف العماني اللي فعلته فضلها كبير يومن جمعنا هالجمعه بتوفيق الله |
عبدالله الصخابره الله يصح السانك على القصيده الجزله والحقيقه الأخ والأستاذ هايف العماني مهما يقال فيه فلن نوفيه حقه ويستاهل المدح ابو مبارك جعل يومه سنين الله يبيض وجهك ياعبدالله على القصيده الرائعه والاهي غريبةٍ منك العلوم الغانمه جعل عمرك طويل وننتظر جديدك والك تحيات اخوك ابن هديهد |
عبد الله الصخيبري صح الله لسانك على القصيدة الجزلة يا بو محمد وعز الله ان ابو مبارك يستاهل ذا القصيدة واكثر ويستاهل ما قيل فيه .. ولاتبطي بجديدك ،،، |
صح لسانك وكفيت ووفيت
ابو مبارك كفو ويستاهل الطيب كله |
الساعة الآن 05:47 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
