ليا ضاق صدري جيت أسوقه على الأقدام = لشيخٍ ولد شيخٍ جزالٍ محاصيله
لشيخ سما للمجد وأضفى عليه أكمام = يموتون جيله ماتهقووا مواصيله
لشيخ الجهامه والسلف منبع الأكرام = مظن الحرار اللي بعالي مداهيله
ليا قيل من هو ؟ قلت شبلٍ ولد ضرغام =كسب من صفات الشيخ وأوفى مكاييله
ذخر شايبٍ قسمه من الطيبات وسام = لبس من ثياب العز ضافي تفاصيله
كبير الحظوظ اللي ليا قلت الأقسام = تصير الرجاحه ميزةٍ في معاديله
غنيٍ عن التعريف وأشهر من الأعلام = سنام الكرامه دلةٍ من معامـــــــيله
إله شهرةٍ تشهد عليها عرب وأعجام=وإله وقفةٍ تشهد عليها نوازيـــــله
لعنق الخوي رحمه لعنق الخصيم إعدام= مقامٍ على الطالات توضي قناديله
جبل والجبل ساسه وتد والوتد مرسام= تقوم القيامه ماتزحزح مثاقيــــــــــله
جزومٍ عزوم لطالب القاسيات حسام = يلين القسا في خاثرِ من فناجـــــيله
أنا خير من يعرف خصاله وأنا الجزام = شهيدٍ عليه وحاضرٍ في محافيله
فخر يفتخربه كل من يلبس البسام = تعانق به البسام للرؤس وتشيله
ليا قيل سمه ؟ قلت عبدالله الفصام =زبون الدخيل اللي تعذر مداخيله
ليا طب سوق الطيبه بالغلاء سوام =على الوافيه دايم تعاقب مصاقيله

المشاركة الأصلية كتبت بواسطة نايف الخييلي (المشاركة 549355) والله يستاهل الشيخ عبدالله الفصام يستاهل كل ماقيل فيه من مدح وفعله يطلق وجهه ويتنومس به الجميع ولاهنت يابو زياد

المشاركة الأصلية كتبت بواسطة جـــــارح نـــجـــد (المشاركة 549429) يستاهل ابوفهاد وصح لسان الشاعر الدلبحي والله لايهينك يابوزياد على نقلها.

المشاركة الأصلية كتبت بواسطة راشد المسعري (المشاركة 549803) يستاهل ابو فهاد ماقيل فيه وهو كفو وبيض الله وجه الدلبحي على قصيدته الجزلة لاهنت يالغالي ولك ودي وتقديري ،،،،

المشاركة الأصلية كتبت بواسطة نسل الأجاويد (المشاركة 550584) يستاهل ابو فهاد ماقيل فيه وهو كفو وبيض الله وجه الدلبحي على قصيدته الجزلة ولاهنت يبو زياد لك تحياتي وتقديري

المشاركة الأصلية كتبت بواسطة ناصر الفصام (المشاركة 551722) يستاهل ابو فهد المدح وهو كفوووو هل الطيب يستاهلون المدح والطيييب وصح لسان الشاعر الدلبحي وبيض الله وجه على القصديه الجزله

المشاركة الأصلية كتبت بواسطة مصدرمنسي (المشاركة 552114) بيض اله وجهك وصح لسان شاعرها وناقلها