يامرحبا ترحيبت(ن) كلها طيب=ترسي على روس السفوح الطوالي
ودلال ترهي من صوافي المشاريب=للي غلاهم داخل القلب غالي
ممشى وحنا نباري حرش العراقيب=اتذود عن هم(ن) ملكته بمجالي
اسج قدمي في ضلوع المراقيب=في جو حمض(ن) تكيف خيالي
ذود(ن) لنا من عاد وقت المكاسيب=نخوت ركبه صوب شرق الشمالي
ربعي الدواسر من ضريم المخاليب=تاريخهم مبطي من اول وتالي
يلي عيونك تفهم العرف والعيب=وشلك بقلب(ن) من عروقه يمالي
عجزت اطرش من قصيدي مناديب=للي لمنهم افهقوا ضاق بالي
وازريت اسجل في خفوقي مكاتيب=لعيون خشف(ن) مالك القلب سالي
ان اقبلت تبري جروح المعاطيب=وان سلهمت من عينها بريا حالي
عقيد ريم(ن) مدكيات الضواريب=اتخاشر نجوم(ن) سماها ثمالي
مركب شريف(ن) كاسيات الدولايب=وياشبه صفرا تستوي لكل والي
يلي تدور في قصيدي عذرايب=عيب(ن) على شمسك تخاشر ظلالي
ماهمني يخطي ولاهمني يصيب=مكشوف راسي من على الضلع عالي
شاعر واورد من محوص المجاذيب=واثني رقاب(ن) تستوي لكل شالي
لو كنت تركب فوق عوج المصاليب=ماظنتي تبقى على الوضع خالي
سنين تبقى مستوي شعرهم شيب=من هو يورد من صميله شقالي
واعود في سجة وعرب المحازيب=بين الخضار الي على الخد زالي
واترك صغير(ن) مع ضريب اللواهيب=وادوج في فيضه مع النبت طالي
ماكل منهو نال عسف الجناديب=يصبح على سرجه كبير المنالي
وختامها بسم الذي عالم الغيب=اختم قصيدي باسمه واختم مقالي

المشاركة الأصلية كتبت بواسطة محمد بن سالم الخضران (المشاركة 537840) محمد صح لسانك واعتلا شانك تقديري واحتراامي

المشاركة الأصلية كتبت بواسطة عاشق هريسان (المشاركة 537844) صح السانك على هالجزله ولاهنت

المشاركة الأصلية كتبت بواسطة دغش الصخابره (المشاركة 539012) صح السانك يامحمد على هذه القصيده الجزله ولاهنت

المشاركة الأصلية كتبت بواسطة شيهانه بكف صقار (المشاركة 539195) يـلـي تــدور فـــي قـصـيـدي عـذرايــب عيب(ن) على شمسك تخاشر ظلالي لافضضضض فووووووووووك ولاهنت ع الابيااات الجزززززززلة

المشاركة الأصلية كتبت بواسطة الجـــــــــآدل (المشاركة 539322) صح السانك ولاهنت على القصيدة الجزلة تحيتي لك الجــــآدل