زلزل مشاعر كل كلّي ملاقاك=هدّم مباني الياس والحزن فيني
أشعل شموع الحب والشوق طرياك=وأطفا حريق(ن) مشتعل في حنيني
أقبلتي .. وأقبل كل طيبي وحيّاك=إقبالة اللي فاقد(ن) له ضنيني
يا مرحبا بك عدّ أعمار الأفلاك=يا مرحبا بك يا بشاير سنيني
أقبلتي .. وأقبل كل خير مع خطاك=السعْد بعدك فكل لحظة يجيني
عمري .. ترى شعري نوى اليوم يغشاك=عمري .. ترى قلبي بغرامك سجيــني
هديّتك روح(ن) ومهجة وتفداك=ويفداك قلب(ن) بالمشاعر دفيني
قلب(ن) صدوق(ن) منه الإحساس أسقاك=حزنـه سنـيــن .. وفرحته لحظتيني !!0
القلب لك من بدّ المخاليق بدّاك=بدّاك لأنك أطيب العالميــــــنــي
عمري .. لا عاش من هو اليوم بكّـــاك=ولا عاش من هو في خصالك يشيني
ولا عاش من هو عاش عمره بليّاك=ذاق الحزن والشين في كل حيني
ذاقه ترى .. من هو يعَرْفِك وخلاّك=أنا أشهـــد إنه في بعادك حزيني
يا ليت من هو عاش عمره على لقاك=يصبح على شوفك ويمسي بلِيْنِــي
أجلس بقربك وأهتني في مراعاك=وأشوف شوقك بالوصل يحتريـنـي
قلبي ليـــامن ضاق يزبــن وينصـاك=يا اللي في درب الطيب طبعك رهيني
سبحان رب(ن) خالقك يوم سوّاك=سوّاك بأحلى صورة(ن) تهتــويني
وسبحان رب(ن) أبدعك يوم حلاّك=زين(ن) وحكمة وكل قول(ن) رزيني
أدمنت عطفك .. وأدمن القلب ذكراك=وأنتي مكانك بين رمشــي .. وعينــي
عمري .. أنا منوي فيوم إني أنســاك=عهد(ن) كتبته بين قلبك .. وبيني

المشاركة الأصلية كتبت بواسطة ابو مبارك المسعري الله يعطيك العافية أخوي ثامر

المشاركة الأصلية كتبت بواسطة ابن هديهد ثامر البدراني الله يصح السانك يالقرم واننتظر جديدك

المشاركة الأصلية كتبت بواسطة الودعاني مرحبا بك عدّ أعمار الأفلاك يا مرحبا بك يا بشاير سنيني أقبلتي .. وأقبل كل خير مع خطاك السعْد بعدك فكل لحظة يجيني صح لسانك الشاعر/ ثامر البدراني ولاهنت على القصيدة الرائعة..

المشاركة الأصلية كتبت بواسطة ماجد المهنا السلام عليكم ورحمة الله وبركاته ثامر البدراني صح لسااااانك مدد ماهوب عدد وافيه من وافي لاهنت على كل حال ولا خلا ولا عدم