والله انا مااستفدنا من ايام مضت =ومااستفدنا من بهاذيل بقعاء والدروس
نفس ياللي من صروف الليالي ماشكت =دايما طلق الحجاجين والهابي عبوس
مير يامشكى عيون لغيرك مابكت=ياإله مافرق بين روس وبين روس
تزهمك روح على درب حبك ماهفت = ماتغيره البلاوي ولاكثر الهجوس
نفس ياللي تعطي الناس مايومن خذت= يوم ولد اللاش همه مع جمع الفلوس
ماتشيل الحقد يوم الردي نفسه طوت=في زمان صارت الناس تتبع ماتروس
لالتهى عشاق دنياه وعيونه غفت= وفي صباحه ماشع السيف في حرب ضروس
انت طبي وانت حبي وقيفاني حكت =و انت غرسي يوم كل جنى زين الغروس
ونتن لي يافهد في غياهيب د وت =تزهم اللي عالم بالخوافي والنفوس
يارفيع الراس والساس في دنيا كلت=عشب ربي في زمان احتكاكات البسوس
جعل نفس يافهد للنشامى ماهوت=وماتخاوي كل حر زهى زين اللبوس
مير اناباستغفر الله من اكبود دعت =خايف من دعوتن لي وخلق الله جلوس
ذا كلام اللي يعزك وروحه لك بنت =قاف شعر خالي من الخوافي والرموس
ناهشي هامته يارفيقي ماحنت= الجدود عدود في الحرب مالبست تروس

المشاركة الأصلية كتبت بواسطة محمد بن سالم الخضران (المشاركة 525590) والله انـا مااستفدنـا مـن ايـام مـضـت,,,ومااستفدنا من بهاذيـل بقعـاء والـدروس نفس ياللي من صـروف الليالـي ماشكـت,,,دايما طلق الحجاجيـن والهابـي عبـوس ميـر يامشكـى عيـون لغيـرك مابـكـت,,,ياإلـه مافـرق بيـن روس وبـيـن روس تزهمـك روح علـى درب حبـك ماهفـت,,,ماتغيـره البـلاوي ولاكـثـر الهـجـوس نفس ياللي تعطي النـاس مايومـن خـذت,,,يوم ولد اللاش همـه مـع جمـع الفلـوس شاعرنا نادر الناهشي صح لسانك على القصيده الجزله ياجزل الله يحفظك ويرعاك مافيك حيله اقتبست الابيات اعلا والقصيده وافيه من اولها الى اخرها تقديري واحترامي