1 يالله يامعبود ياخير معبود=عليم واسرار النوايا عرفها
2 عني وجنبني خطا كل منقود=من حذفة مايندرا من حذفها
3 الحق بين الناس شاهد مشهود=وينبيك عن بعض السوالف طرفها
4 والشعر يزهو في هل المجد ولجود=مكارم نال الفخر من وصفها
5 الفكر يقطف من ثمر كل عنقود=من واسع الادراك ذوقي قطفها
6 تنقادلي واقودها بالرسن قود=سخرت شردها وفكري عسفها
7 في مدح منهو شامخٍ كنه الطود=تسمو معانيها ويسمو هدفها
8 فيصل سمي السيف للحق بالود=من شجرة يلقى السعد في كنفها
9 يافيصل بن احمد حجا كل مضهود=شم الجبال اللي يذري سدفها
10 الناس تذكر بالنبا وانت محمود=مدات جودك كل حي عرفها
11 ابوك نبراس الوفا ترثة العود=لو المراجل بحر جود غرفها
12 اقوى من البالود واكرم من النود=كم مدة من فيض جوده صرفها
13 ابوه من رام العلا واتعب القود=الصيرمي شبه الجزيره خطفها
14 يوم الجزيره نار شعله وبارود=يمناه ترمي للضواري علفها
15 لين الجزيره صارت سهود ومهود=وشال الامانه من سلفها خلفها
16 وحنا للدار العز خدام وجنود=ارواحنا تفنا ويبقا شرفها

المشاركة الأصلية كتبت بواسطة سعيد الصخابره (المشاركة 521860) الله يحييك ياشاعرنا ومن طول الغيبات جاب الغنايم وصح لسانك على القصيده الطيبه

المشاركة الأصلية كتبت بواسطة راشد المسعري (المشاركة 521862) عبدالله بن فهد صح لسانك يالغالي وسلمت على هذه الجزلة ويستاهل من قيلت فيه سمو الأمير فيصل بن أحمد بن عبدالعزيز. أبداع يابو فهد وهذه عادتك ياالقرم ولك ودي وتقديري ،،،،

المشاركة الأصلية كتبت بواسطة خميس مطر الغييثي (المشاركة 521967) صح لسانك واعتلى شانك ويستاهل الممدوح

المشاركة الأصلية كتبت بواسطة آلأرجــٌوآنْ (المشاركة 522420) بإختصار شديد { أنت شـــاعر مميــــــز } ما أقول الا صح لسانك واعتلا شانك وانا من متابعين قصائدك يارآئع

المشاركة الأصلية كتبت بواسطة بدر بن صقر العجالين (المشاركة 522494) ياسلام عليك يا أبوفهد شاعر مبدع في جميع الأغراض الشعرية:) صح الله لسانك يا صُلب حسن ولاعدمناك.. تقبل تحياتي،،