يا جارها خلّ المودم مفتوح=حاذور قطع الذبذبه عنّي
لا شفتها ردّت علي الرّوح=تقول كنها قطعة منّي
حبّ جديدٍ و إنكتب في الّلوح=يالله عساك تعيش متهنّي
أطلق تعابير الأسى و آبوح=ليتك تشوف الحال متدنّي
كم واحدٍ في دنيته مجروح=يقضي لياليّه و متعنّي
يا للأسف طير السّعد مذبوح=محدٍ يجي في باله يحنّي
ارفق علي يالصّاحب المملوح=خلّ القسا لا تخلف الظنّي
روحي تبيك و عن سواك تشوح=يا زاهي الأوصاف و الفنّي
سرّ المحبّه دايمٍ مفضوح=حتّى و لو حاولته يكَنّي
شوقي بصدري من غلاك يفوح =ما اقدر على فرقاك لوْ إنّي
و ان كان ظرفك ما سمح مسموح=بأبقى على ذكراك مستنّي