|
حبيت ان أنقل لكم قصيدتين للعملاقين ضيدان وسلطان
الـــســـلااام عليكم ورحمه الله وبركااااته
أسعد الله أوقاتكم بكل خير حبيت ان أنقل لكم قصيدتين للعملاقين ضيدان وسلطان وهي عباره عن أعتــــــذار من صاحب السمو الامير سلطان بن عبدالعزيز وقد عفو عنهم
|
ابن فادر تسلم على هذه الذائقة نقلت لنا قصيدتين من شعراء لهم شعبيتهم في ساحة الشعر اولاً التمس منك العذر مسبقاً لانني وبصراحة مفرطة لست من متابعين الشعر ولا الشعراء ولكن استانس بالشعر sometimes لكن الي فهمته ان الشعراء المذكورين شكلهم والله اعلم عاملين عمله سوداء وهذا من ترجمتي لقصايدهم ياريت وكلمة ياريت تعني ارجوك وكلمة ارجوك تعني تكفى وكلمة تكفى تعني (تكفى تراء تكفى لها حس وحساس) والباقي عليك،، توضح لنا القصة بأكملها لكي نفهم عن الموضوع ولو مقدار انملة. ثانياً فيه فرق بين القصيدتين قصيده لقحت من الارض وقصيده لقحت من السحاب تقبل تحياتي |
الله يعطيك العافيه
ومشكور على النقل الطيب |
السلام عليكم ورحمة الله وبركاته
فيه رد على سؤال المحيط بأختصار الشاعر ضيدان مسوي أمسيه في الامارات ومدح ولد الشيخ زايد فلاح وعطاه فلاح مبلغ زين وسياره رنج روفر المهم ضيدان خربها بقصيده موجهه لسلطان الهاجري وسلطان من الشعار اللي عند الامير سلطان الزبده أنه في الاخير قال ضيدان في قصيدته لسلطان أترك بشت الاماره والبس بشت التجاره وردو عليه شعار كثيرين وهذا اللي ازعل الامير سلطان وسلامتكم |
بيض الله وجهك ياابـــــن فـــــادر الغـــيــيـــــثــــــي
على المشاركه ولو إنك ذكرت القصه إلي أغضبت الأمير سلطان لكان أجمل وأحلى على شان يحلى الموضوع |
عظيم الشوق تسلم لكن لم يرتوي الظمى بعد انت علقتني ضيدان اقام امسية في الامارات وسلطان عند الامير سلطان ولم يتكرم سموك بشرح مفصل للقصة اريد السالفه بأكملها بشحمها ولحمها يعني بالتفصيل الممل انا مخفيك سراً العصفورة قالت لي وهذا على ذمت العصفورة ان سلطان الهاجري ارسل قصيده إلى ضيدان العرجاني وضيدان وقتها كان في الإمارات ورد ضيدان بقصيده عبارة عن سلة فواكهة ولكن السلة تحولت إلى اللون الاصفر لكثرة صنف الموز ولكن لم تقلي عن الاهم وهي قصيدة الحارثي الملازم اول الي عند الامير سلطان قصيده تقول العصفورة إنها Fire وحنا نريد القصه بأكملها يعني قصيدة الهاجري ورد العرجاني وقصيدة الحارثي شاعر الامير سلطان تقول العصفورة ان الحارثي داهية شعر وان رده الجم البقية وبعدين القصيدتين الي طرح ابن فادر ارجو التعليق عليهن من جميع الاعضاء بصراحة انا اقول قصيده لقحت من الارض وقصيده لقحت من السحاب تقبل تحياتي |
وهذه قصيدة محمد الحارثي التي يهجو فيها ضيدان وسلطان :
في عامنا الخامس بعد عام الألفين كم هاجسن حامي جيني زياره اليا أحتمى الهاجس وجينا محامين مثل الزناد الي تقادح شراره كلام أبن وسام مابين قوسين زود مرارته القديمه مراره وكلام مسلط شيخ كل الجمالين كله بياض وفيه رمسه سماره يا أثنين يالي بالقصيد متواصين شطار لكن غيركم بالشطاره شاطر شطير الحد ما ينتهي لين يديركم بين الفلك في مداره مير أسمعوها زبده الهرج يأثنين يا أصحابنا الي تعشقون الأثاره نعمين يأهل دبي والعين نعمين يا أهل المقر الي يذري جداره بأفعالكم كل الخلايق مقرين ولا ينجحد طيب النشاما وكاره الي كتب فيكم من المدح بيتين مدحه تجاوز وأختلف عن مساره من وين يا ضيدان وموجهن وين عفت الأماره راغبن في التجاره ترى الملوك الي على الخف والقين ثارت على البيداء بعز وجداره خلو لك خدود ولغابيب وبطين يا حيف ياناسي معاريف داره يا ما نصيت قصورهم تشكي الدين وحدن تعذر لك وجاك اعتذاره وسافرت تشكي فقر يا ساكن بين قوم تمد ولا تحسب الخساره منهم يا أبن قضعان يكفيك ثنتين يوم أن شخصك يحسبون أعتباره قصر على سطحه علم راية الدين وجيب شعار الداخلية شعاره وصفت نفسك عقب رحلتك للعين سواة من بذ العرب بالخطاره وأن كنت عايف من وطن نجد ذالحين سلم جوازك لا وصلت السفاره والمركز الي من ورى جوده يمين لازم حكومتنا تعجل قراره ويصدر بعد تعيين ضيدان تعيين لملهي تسلم ختوم الأماره ضيدان ما دامك على الراس والعين ثوب لبسته لا تقطع زراره ونرضيك لو تزعل بحاشي وشاتين وأن طولة بالحيل ددسن غماره |
تسلم يابن فادر
وصح الله لسان الشاعرين ضيدان بن قضعان وسلطان بن وسام الهاجري واعتقد أن قصيدة ضيدان أعتذار عن قصيدته (( البارحه في الدور واحد وخمسين )) |
تسلم يابن فادر على نقل القصيدتين وبيض الله وجهك
لكن يالربع عندي سؤال انا سمعت ان سلطان الهاجري مذبوح هو حقيقه ولا اسم على اسم |
الأخ / أبوزابن اسم على اسم فقط |
لاهنت يا الواضح
|
الساعة الآن 04:25 AM
 |
Powered by vBulletin® Copyright ©2000 - 2025, Jelsoft Enterprises Ltd.
---
