|
ظبي نجد
اخواني اعضاء المنتدى الكرام اضع بين يديكم هذه القصيده و هي في الاساس رد على قصيده سمعت منها بيت واحد ولا اعلم قائله والبيت هو : الصيف روح والمطارات مليا .... والحجز ملغي والمزايين فالشام وجاريته بهذه الابيات المتواضعه
الحجز ملغي والمطارات مليا = ولا همني حجزه ولا روحة الشام يهمني شوفة ظبيٍ جفليا = مرباه نجد وشوفته تشف الاسقام ليا قام يضحك لي ضحوك الغزليا = يضحك بغرٍ كنها صافي الخام من بينها مزيت طعم العسليا = من مبسمٍ حمرٍ شفاياه وانعام والخد براقٍ صدوق اشتعليا = نوه صدوق وفاضحٍ ليل الاظلام والرمش من رب العباد اكتحليا = ما شالت المكحل ولا كحل الاقلام عكشٍ مظاليلٍ زهاها الخجليا = مع قرضة البرقع يسنن الاسهام ولبة نحر تشد القمر لا اكتمليا = والقرن سباحٍ على ذيك الاقوام والردف مزبورٍ وراه انعزليا = والوسط ضامر والنواهيد قدام عمره على العشرين لا ما اكتمليا = تفداه بنت الشام وديار صدام ليا اقبلت اجزل بيوتي جزليا = وان شافني يشدي غطاريف وانغام مثلت مع خلي سلامه وعليا = بالحب والا ديننا شرع الاسلام والمعذره ياهل الوفى والفضليا = وضحت مكنوني على شان ما انلام في حب مجمولٍ له الريم حليا = تعبت لجل رضاه واشقيت الاقدام ولا طعت في حبه كلام العذليا = ناسٍ تقول الحب تاليه الاندام لو كان جسمي بالهوا قد نحليا = يدريك عن حالي غدا جلد وعظام اخوكم عبدالله العصيمي |
الحجز ملغي والمطارات مليا = ولا همني حجزه ولا روحة الشام يهمني شوفة ظبيٍ جفليا = مرباه نجد وشوفته تشف الاسقام ليا قام يضحك لي ضحوك الغزليا = يضحك بغرٍ كنها صافي الخام من بينها مزيت طعم العسليا = من مبسمٍ حمرٍ شفاياه وانعام والخد براقٍ صدوق اشتعليا = نوه صدوق وفاضحٍ ليل الاظلام والرمش من رب العباد اكتحليا = ما شالت المكحل ولا كحل الاقلام عكشٍ مظاليلٍ زهاها الخجليا = مع قرضة البرقع يسنن الاسهام ولبة نحر تشد القمر لا اكتمليا = والقرن سباحٍ على ذيك الاقوام والردف مزبورٍ وراه انعزليا = والوسط ضامر والنواهيد قدام عمره على العشرين لا ما اكتمليا = تفداه بنت الشام وديار صدام ليا اقبلت اجزل بيوتي جزليا = وان شافني يشدي غطاريف وانغام مثلت مع خلي سلامه وعليا = بالحب والا ديننا شرع الاسلام والمعذره ياهل الوفى والفضليا = وضحت مكنوني على شان ما انلام في حب مجمولٍ له الريم حليا = تعبت لجل رضاه واشقيت الاقدام ولا طعت في حبه كلام العذليا = ناسٍ تقول الحب تاليه الاندام لو كان جسمي بالهوا قد نحليا = يدريك عن حالي غدا جلد وعظام صــــــــــــــــــــــــــح الله لسانك ,, قصيده رائـــــــــــــــــــــــــعه ,, و في قمة الامتاع ... اخوي عبدالله العصيمي ,, كتبت فابدعت ... و قرأنا فاستمتعنا .. فصح الله لسانك مليون و لا يكفون .. و الى حين تواصل جديد ,, لك صادق الود و اعطر التحايا .. اخوك فراج بن مشنان .. |
صح لسانك أخوي عبدالله العصيمي , ابيات مهب سهلة تسلم يمينك يالقرم .
|
صـــــــح لسانك اخوي عبدالله..
على الرائعه .. وسلمت اناملك على ماخطت من درر.. ولاتبطي عليناا بجديدك.. |
عبدالله العصيمي..
ابيات رائعـــــــــــــــــــــة,, تحياتي,, |
صح لسانك
يهمنـي شوفـة ظـبـيٍ جفلـيـا ..... مرباه نجد وشوفته تشف الاسقـامصح لسانك عز الله قصيدة وافية وكافية يابو فايز ، أي والله الزين عندنا مهوب فالشام اللي زينهم تقليد ، الزين زين التربية والأخلاق الفاضلة والسجايا الكريمة وهذي ولله الحمد متوفرة في ديرنا .
مرة أخرى بيض الله وجهك على هذه الرائعة ولا تبطي بجديدك. |
مثلت مـع خلـي سلامـه وعليـا
بالحب والا ديننا شـرع الاسـلام بيض الله وجهك وصح الله لسانك ياعبدالله ما أجمل الحب حينما لايتعدى إطار الإسلام والبيت اللي هيضك له رواية ثانية تقول : الجيب فاضي والمزايين في الشام _______والصدر ضايق والمره عند أهلها :) تقبل خالص تحياتي |
صـــــــح لسانك اخوي عبدالله..
على الرائعه .. وسلمت اناملك على ماخطت من درر.. أخوك في الله العرابي |
صح لسانك والله ياشاعر
كلمات امتلأت بالجزاله نص رائع لايصوغه الا مبدع |
صح لسانك ولا هنت يا العصيمي
دوم تمتعنا بقصائدك لا هنت ولا تحرمنا من جديدك لك مني احلى تحيه |
صح الله لسانك اخوي بوفايز على القصيدة الطيبه وعزالله شفيت غليل الكثيرين بالرد على هذا البيت
تقبل تحياتي،، |
الساعة الآن 01:10 AM
 |
Powered by vBulletin® Copyright ©2000 - 2025, Jelsoft Enterprises Ltd.
---