الى ادارة الموقع واعضاءه وزواره الكرام
السلام عليكم ورحمة الله وبركاته
من العايدين وكل عام وانتم بخير

اهديكم هذه المساجله بيني وبين الشاعر / عبدالله عبد الرحمن الدوسري ارجو ان تنال اعجابكم 0( ضريبة غيابنا في الفتره الماضيه )

قصيدة الشاعر / عبدالله عبدالرحمن الدوسري وصلتني عن طريق رساله جوال

ياقاف شعري من جزيلك نقيناك = حضر على أمر طايع لآمتثاله
عجل ترى ذا مكسبك لادعيناك= ابغيك تخضع عند راع الجزاله
روح وخذ عنوان وافي لمنصاك = واكبر كرامه يوم رحت اتعناله
اسمه اليا بينت لك سارت اخطاك= تمشي حثيث الرجل ممشا العجاله
ملفاك ابن هذال ياطيب ملفاك= تركي اعنان الطيب واسمه دلاله
وقله ليا منه نشدك وتقصاك = ينشد بريد جاة منه الأحاله
وانك فقط مرسول والأمر وداك = وراعيك عاده وسط نفسه مقاله
والمرسل بعنوان ماهوب يخفاك= عنده جوابك لاطرالك سؤاله

يالله ياعالم تصاريف الأفلاك= ياللي اليا ضاقت علينا نسآله
ياواحد ماخاب منهو ترجاك= يالخالق المعبود جلأ جلاله
الطف بعبد تايب لاذ بحماك = واغفر ذنوب شالها عن جهاله
من بعد ذكره طاب بالليل مسراك= ياهاجس بالشعر دنا رحاله
وأكتب ونا بعطيك يوم الله اعطاك= واكتب جزيل الشعر وترك هزاله
مادام عبدالله بقافه تنصاك= ببيوت شعر دزها في رساله
وقله تراني ناظرك واتحراك= والبن الأشقر جاهز في دلاله
تقدير مرسولك وتقدير شكواك = وحسب السلوم الطيبه والزماله
انا على بادي لزومك ومرضاك= ولزومك اسعى مايطول احباله
نبغى انتجمل عند مثلك وشرواك= والله اجمل من يبون الجماله
لاكن زمانك لاعصاك وتحداك= فصبر على ميل الزمان اوعداله
وسند على الله كل ماتاهت ارياك = رب خلق خلقه ويعلم حواله
واعلم ترى مقسوم غيرك تعداك= وما كتبلك صعب لغيرك مناله

نبغى انتجمل عند مثلك وشرواك=والله اجمل من يبـون الجمالـه

المشاركة الأصلية كتبت بواسطة محمد بن سالم الخضران (المشاركة 504037) تركي بن هذال وعليكم السلام والرحمه وحياك الله ومن طول الغيبات جاب الغنايم . وصح لسانك ولسان الشاعر جزلين او وافين , صوت وصدى من اجمل ماقرات نبغى انتجمل عند مثلك وشرواك=والله اجمل من يبـون الجمالـه

المشاركة الأصلية كتبت بواسطة محمد بن حمد الشكرة (المشاركة 504044) وعليكم السلام والرحمه وحياك الله ياتركي ومن طول الغيبات جاب الغنايم . وصح لسانك ولسان الشاعر جزلين او وافين , صوت وصدى من اجمل ماقرات

المشاركة الأصلية كتبت بواسطة نادر الناهشي (المشاركة 504192) عليكم السلام ورحمة الله وبركاته الله يبيض وجيهكم ولاتحرموننا من جديدكم بيت جميل جدا والقصيده كلها قوية صح لسانك يابو هذال نبغى انتجمل عند مثلك وشرواك ...والله اجمل من يبـون الجمالـه

المشاركة الأصلية كتبت بواسطة برنسيسه الريــــاض (المشاركة 504354) صـــــــــــح لسااانكــ,,

المشاركة الأصلية كتبت بواسطة شيهانه بكف صقار (المشاركة 504530) صح الله السنتكم وصح الله لسانك يا بن هذال ع الابيات الطيبة الي تنومسنا بها جعلك ع القوة اررررق التحااياااا

المشاركة الأصلية كتبت بواسطة ابو عمر الشمري (المشاركة 504329) تركي لاهنت وصح لسانك جزلات والله