بسم الله الرحمن الرحيم

وبعد انقطاع طويل عن هذا الصرح الغالي على قلبي

اقدم لكم هذه الابيات المتواضعه أمل ان ترتقى الى ذائقتكم

لو كل واحد يحقق يا سعد ما نوى
ماكان مات الطموح وغايته سامية ..

ولا كان شفت المريض اللي ما حصل دوى
ولا كان شفت العباد جروحها دامية ..

والراس الاكبر يقول الناس ما هم سوى
مـا يستـوي زارع الرمـان والباميــة ..

ايقول مكتوب لك فاللوح تاكل هوى
لو يكثر الخير .. والأطراف مترامية ..

واللي أكل ماشبع .. واللي شرب ماروى
ولو كنت عطشان غيرك عالم ضامية

اسمك مسجل على خانات(مالك لوى)
تقلط على المطرقة والمطرقة حامية

والعذر مابه عذر.. والذيب فوقك عوى
من مبدأ العولمة والعالم النامية ..

والصح يابن زبن لولا لعين الثوى
ماكان شفت اليدين العوج متوامية

وان طعت شوري لاتبحث داخل المحتوى
اللي تساوى به الرامي مع الرامية

اشحن بطاقة سوى واشحن بطاقة سوى
مالي ومالك .. ومال الغاية السامية ..

وسلامتكم

مع شكر المسبق لكل من سيمر هنا

أرحب ياسلطان المسعري
تراحيب الحياء وحيه وحي ماجاب .
صح لسانك وعتلا شانك
قصيده كايفه وجزله
ويكفيها اسمك
ياسلطان

صـــح لسانك يا سلطان

قصيده حملت حملت في طياتها أبيات قمة في الإبداع

أهنيك على هذا الحضور الجميل

ولك ودي وتقديري

أرحب ياسلطان المسعري
تراحيب الحياء وحيه وحي ماجاب .
صح لسانك وعتلا شانك
قصيده كايفه وجزله
ويكفيها اسمك
ياسلطان الشعر

محمد بن سالم

ابقاك الله

لاهنت وصح بدنك يالقرم

تشرفت بمرورك

خالص مودتي