الا يا طير فوق الغصن تشدي ما عليك هموم=تجر الصوت والجنحـان بالفرحـه ترفرفهـا
هنيك ما عليك من السنين المقبـلات لـزوم=تحلق في فضـاك وفرحتـك محـدٍ يوصفهـا
نهارك تسرحه باسم وتلقى رزقـك المقسـوم=على غصن الرضا تلقى الطيور اللي توالفهـا
ولا حل الظلام بعشك البالـي يجيـك النـوم=ولا تحسب سنين العمر لو ثارت عواصفهـا
هنيك منت مثلي فا السماء عينك تعد نجـوم=ونفسك من جروح الوقت ما تكثر حسايفهـا
ونا في ملعب الدنيا دفاع بلا وسـط وهجـوم=يصد هجومها صـدري ليـا جاتـه يوقفهـا
تعب صدري من الهجمات اقاسيها طوال اليوم=وهي دنيـا دنيـه مـا تريحنـي صوادفهـا
تحطم فوق صخرتها من أعماق النفوس حلوم=ونا بعيون صدات السنيـن العـوج شايفهـا
تجيني مسرجه خيل المواجع هازم ومهـزوم=لسان الحال ما يقـدر مـن الأيـام يعسفهـا
مدارات الغياب أمست على أفراحي تزيد اللوم=وهي تحسب بنوك الوصل مليانـه مصارفهـا
صقور الهم فوق أقسى الجروح النازفات تحوم=تقاسيني وقاسيها وتخطفنـي ونـا اخطفهـا
تعبت اجمع شتاتٍ ما يلمـه خافـقٍ محـروم=يدور في مسافات القلـوب وفـي عواطفهـا
لو إن الليل لا مني سريته يهـدي المنجـوم=ما يمدي فاقد الخطوة ثمـار التيـه يقطفهـا
تلاقي خير يا طيرٍ تطيـر ولا عليـك همـوم=جناحينك من الفرحه على اوجاعي ترفرفهـا

صقور الهم فوق أقسى الجروح النازفات تحوم تقاسيني وقاسيها وتخطفنـي ونـا اخطفهـا

المشاركة الأصلية كتبت بواسطة عســافةالخيل (المشاركة 494158) صح لسانك شاعر كبير ياناصر قصيده ثريه بالجزاله ودي قتبسها كلها من جمالها رائع ياشاعر يعطيك العافيه

المشاركة الأصلية كتبت بواسطة ابو عمر الشمري (المشاركة 494164) من اجمل ما قراءة ,,, لاهنت ياناصر

المشاركة الأصلية كتبت بواسطة ابو ثمام الدوسري (المشاركة 494304) تعبت اجمع شتاتٍ ما يلمـه خافـقٍ محـروم يدوّر في مسافات القلـوب وفـي عواطفهـا لو إن الليل لا مني سريتـه يهـدي المنجـوم ما يمدي فاقد الخطوة ثمـار التيـه يقطفهـا قصيدة فكرتها جديده وصورها بديعه وبحرها لا يجيده الا الكبار صح لساااااااااااااانك ولله درك ياشيخ:)

المشاركة الأصلية كتبت بواسطة خميس مطر الغييثي (المشاركة 494359) صح لسانك واعتلى شانك والجزل مايظهر الا من الجزل

المشاركة الأصلية كتبت بواسطة أبومبخوت الشكرة (المشاركة 494407) صح لسانك واعتلى شانك

المشاركة الأصلية كتبت بواسطة محمد بن حمد الشكرة (المشاركة 494410) صح لسانك واعتلى شانك والجزل مايظهر الا من الجزل