يالله يارب(ن) كريمٍ ونرجيه = نرجيه لا قريت جميع الصحايف
لا جاء نهاراً قر بالحق راعيه = ماعاد ينفع قولته بالحسايف
ياخذ من الضالم حقوقن ويعطيه = ويشيل حمله لو حموله كلايف
عندي كلامن ياهل الطيب بهديه = بيوت شعراً للسنافي خفايف
نصيحتن للي يعرف المشاريه = والا الردي قلبه مصدن وعايف
بنذرك يلي تايه في مماشيه = ممشى مشيته بدله بالنكايف
خلك مع الي طالبه مايخليه = ربن عزيزاً مال شكله وصايف
صل الفرايض والتهجد تصليه = وصوم رمضان ولب للحج طايف
وابوك وامك واجبه لاتخليه = اخفض لهم طرفٍ من الذل خايف
وقصير بيتك لو غلط لا تجازيه =ومن دون حقه بالسيوف الرهايف
واحذر خويك من الموده تجافيه = واحذر عليه من الهروج الطرايف
وضيفك على جزل الكرامه تعشيه = لو كان تذبح من الفطير الولايف
يالله بالليلٍ لابيض القشع يحيه = يهمل عليه من الخيال الردايف
بمطار وسمين على البر كاسيه = واهل الدبش ماعاد تطري العلايف
يفرح به الي نازلن في مناديه = فيه الزبيدي واخضر العشب زايف
يامحلا شوف الدبش في مفاليه = ويامحلا ركب البكار العسايف
الناس مختلفه وكل ومشاهيه = وشفي ركوب ملافحات السفايف
هجنن بعيدات المسافات تطويه = لروحن مثل الحمام الولايف
وهرجن مع الي ينعش الحال طاريه= بخيل مال وميسرن بالحلايف
عمهوجتن ماتعطي الحق راعيه = منها ظلوعي ناحلاتن نحايف
يرتاح قلب مولعن شاف غاليه= ينسى من ايام الشقا والكسايف