انا وين ادور لي مع اللسان ألسان = يعاون لساني لايبين الخلل فيه
كليت السما وأرضه ولا وقت اللحيان = مع الكون كله مايجي لقمتن ليه
شربت البحور وجيت متغانمن ضميان = جميع المشارب ماتجي رشفتن ليه
سحنت الجبال أداوي ولا تكحل البرمان = جميع الشجر ماميل العين هاذيه
كليت القمر والشمس وأمسيت أنا جيعان =ولا عاد به شي اكله عزتاليه
لبست النهار ثويب خام على الامتان = وسود الليالي لي بشوتن شماليه
وتراني دخيل الله والبي عظيم الشان = وباقي الخلايق مالهم عندي ادعيه

انا بطلب الله ربنا الوالي الرحمان = عظيم الجلال وماحين ذنب داعيه
يعطينا الحيا ستين يوم وهو ودان = تسمى فصوله ياهل العرف وسميه
على القاف هذا سابقن قولي الدندان = وترا كل قافن يحكمه قول راعيه
كلا الشمس هي وهلالها كن ماشن كان = هذا الوقت مخطر كفانا الله بلاويه
وكلا الأرض وجبالها مع شجر وديان = وشرب البحر وعدودها مابقى شيه
وكلا السما ونجومها ويش هالأنسان = والله عالم ياويش باقي طواريه
موطي شياطينن الي غزها الشيطان = شجاعن على راس المعادي مواطيه
هذا قول منهو ماتسلف كلام فلان = يصوغ المثايل ماخذا القاف عاريه
يغني بها الراضي ويرفع بها اللحان = والي من بدا لازم هل الطيب ماليه