::: مـنتدى قبيلـة الـدواسـر الـرسمي ::: - قصة ابن الذيب والشاعر الإماراتي......لا تفوتكم يالقروم....!!

- :: قسم قصــه و قـصيــده :: (http://alduwaser.org/vb/forumdisplay.php?f=19)

قصة ابن الذيب والشاعر الإماراتي......لا تفوتكم يالقروم....!!

السلام عليكم

الشاعر المشهور ابن الذيب العجمي كانت لديه استضافه في برنامج اذاعي في الامارات وكان الشخص المرافق له شاعر اماراتي اسمه جراح وبعد ما انتهت الاستضافه قام الشاعر الاماراتي جراح ودعا الشاعر ابن الذيب للعشاء ، ولبى ابن الذيب الدعوة لكنه لما ذهبوا للمكان وجد أن المكان عباره عن مرقص ولأن المكان لا يتناسب مع اخلاقيات ابن الذيب فقد جاء الاعتذار منه للمضيف وخرج ابن الذيب وتوجه لغرفته في الفندق وبعدها بفترة قصيره إذا بأحد موظفي الفندق يأتيه برساله من الشاعر جراح متضمنة أبيات يقول:

مرقص دبي اللّي له القلب يرتاح=حتى سلاطيـن الجزيـره تدلّـه
لاصار ما في شربة البن مصلاح=غرشه من الويسكي بفنجال دلّه
وان كان يابن الذيب منته بمزاح=فانا عقدت الحبل وانتـه تحلّـه
هذي بدايـة معرفتكـم بجـراح=إما شربت الكـاس والا فخلّـه

رد عليه ابن الذيب بقصيدة رائعة يقول فيها:

ماهوب صح الله لسانـك ياجـراح=يكفي مـن العلّـه ثلاثيـن علّـه
أنته وحكامك هـل الكـاس لا لاح=والا سلاطيـن الجزيـره لا بـلّـه
حكام نجد اللّي ورا هضبـة رمـاح=ضلالهـم مثـل الجبـال المضلّـه
صغيرهم يلعب بكم لعـب مسبـاح=ويسد فاه أهـل القلـوب المغلّـه
إن مد كف الطيب ماهوب شحـاح=والـى تعـزوا دولـةٍ مستقـلـه
مانيب أزكيهم من جـا ومـن راح=يمكن يجي في صفة القـوم خلّـه
وان كان هرجك لي ولا انته بمزاح=يما حلا بعض الحكي فـي محلّـه
ما نشرب إلا البن الأشقر إلى فـاح=والا حليب بكار فـي وسـط ملّـه
رجل وطموحي من ورا النجم لا لاح=أكبر من اني أشتهر فـي المجلـه
يكفيني مـن المعرفـه والتمـداح=إني إلى ضاقت علـي قلـت : يالله
الوضع ذا مزعجني ولا نيب مرتاح=بـروح واخلـي لـك دبـي كلّـه

وسلامتــــــــــــــــــــــــكم

تسلم

يابو محمد على الأختيار الطيب

وبيض الله وجهك

الوضع ذا مزعجني ولا نيب مرتاح==بـروح واخلـي لـك دبـي كلّـه

عز الله أنه صدق وصح لسانه

صح بدنك طال عمرك ولاهنت على المرور..............

تقبل تحياتي وتقديري.............

أخوك / راكان العجمي,,

تسلم يمينك أخوي راكان

وصح لسان ابن الذيب العجمي

الاخ / يحيى الودعاني ,,,

صح بدنك يالقرم ,,,

ولاهنت على المرور العطر ,,,

تقبل تحياتي ,,,

الـــــســــــلام عـــــلـــــيــــــــكــــــم

لاهنت أخ/ راكان على ذكر هذا الحدث الممتاز وبيض الله وجهك
وصح لسانك ولهان ابن خر الذيب وصح لسانه وسلمت اناملك
اخوي راكان ...
( وعز الله انه دواه ولاقصر مع ابو المراقص جراح )
اما بالنسبه لموقف ابن خر الذيب مع امير قطر عندما تهجم عليه

كان بسبب امير قطر عندما ذكر امور وقال امور غير لائقه وتكلم

على ابن خر الذيب فرد عليه بما رد وبعد يوم اجبر ابن خر الذيب

بالأعتذار منه وان يقول بأني لم اكن في شعوري عندما غضبت

ووسائل الأعلام القطريه ذكرة انه كان متقهوي..! اي ( سكران )
وهذا عاراً من الصحه ...

مـاهـوب صـح الـلـه لـسـانـك يـا جـراح
يـكـفـي مـن الـعـلـه ثـلاثـيـن عـلـه

أعذروني على الإطاله ...
ومره أخرى لاهنت / يـــــا راكـــان
والسلام ختام،،،

الاخ / ضحيان السباعي ,,,

ومن يقول ما يهان يالقرم ,,,

وجهك ابيض وصح لسانك ,,,

لكن احب اوضح نقطه بأن الإعلام القطري الله يهديه اتهموا ابن الذيب بأنه سكران والعياذ بالله

وهذا عار من الصحه وهناك قصيده قالها ابن الذيب إلى من اتهمه بالسكر

ولكن لا تحضرني الان وسوف انزلها في المنتدى عن قريب ان شاء الله

وفي الختام سلام ,,,

تسلم يمينك أخوي راكان

وصح لسان ابن الذيب العجمي

ومقدي في جراح ولاهوب مخطي

تقبل تحياتي

ابو زابن

الاخ العزيز / ابو زابن ,,,

صـــح بدنـــك يالقرم ,,,

لاهنت على المرور العطر ,,,

تقبل تحياتي وتقديري ,,,

كفو والله كفو يابن الذيب يالعجمي
عز الله رده عجبني

لاهنت اخوي راكان على النقل الطيب

اخوك
سعد المسعري