![]() |
هلا بك يا بعد من لي .. هلا بك ألف ترحيبة
السلام عليكم ورحمة الله وبركاتة مساكم الله بالخير يا أعضاء المنتدى .. حبيت أشارك معكم بقصيدتي الغزلية هذي .. ويمكن هذي ثالث قصيدة أشارك بها وهي قديمة عندي .. ومعذرة على قلة المشاركات .. أتمنى تعجبكم
على ذيك القلوب اللي تعرف الصدق والطيبه= كتبت أحلى معاني حب كتبت أبيات مرويـّه هلا بك يا بعد من لي هلا بك ألف ترحيـبـه=هلا بك يا هلا باللي يغار الضيّ من ضيـّـه عرفت السعْــد وأيامه عرفت الحب ولواهيبه=عرفته يوم لاقيتك وجت إيديك في إيـديـّـه كثير اللي تمناني أصير أقرب من قريبـه=ولامن جيت في أحلامه يقول يا يزين هالجيّه ! وياما كثير أغلاني وسمّاني أنا قليـبــه=أجي وأروح في باله ولي هيبه وأحقيّـه ولكن .. ما سواك ((أنتي)) أرحّب به وأهلّي به=ولا (( غيرك )) يحركني .. ويفز القلب لطـاريّــه تصدق .. لو أبي أحكي عن اللي بي وأشكي به=أعجّز كل بحور الشعر .. عن وصف الذي بيــّه !! ولكني بأقول اللي على قلبي بعذاريـبــه=بأقول أهواك وأحبك يا ام خدود ورديـّــه أبي أوصفك وأتغزّل ابشعري وتراكيبـه=يا أصل الزين يا الشيخة بأبدع فيك قافيـّــه قافيّه تعبّـر عن وصفك وأعاجيـبــه=يا نبع الحب يا عمري شويّه فيك حوريّه من ينصاك يا النجلا .. أبد ما يرجع بخيبه=لأنك يا ملاك الزين .. أوصافك خيـاليـّــه خياليّه . رومنسيّه . أبد ما فيك من عيبه=حوريّه سعوديّه .. أقولها بكل عفويّــه ملكتي القلب يا عمري .. أبد ما فيه من ريبـه=ملكتيني من الهامه إلى أقصى أقصى رجليّه يجيك الشعر من حاله ! ولو ما جالك نجيبه=أجيب أحلى معاني الحب وأقدمها لك هديّه أنا أطْرَب على ذكرك .. وأطْرِب كل طاري به=طَرَب راقص على نغمة ألحان(ن) موسيقيـّــه أجل وشلون ما أطرب على حبك وأغني به=وأنتي ((شيخة البيضان)) ولك إعيون سحريّه ؟ أجل وشلون ما أطرب على حبك وأهذري به=وأنتي ((شمس هالأكوان)) حشى منتي بإنسيّه ! ((ملاك العالم الناعم)) .. لقبك أنتي .. تَغَنَّيْ به=تَغَنَّيْ به أمام الكل .. تَغَنَّيْ بكـــل حريّـــــــه تعـــالي واسكني قلبي ولا تطرين الغيبه=تعالي واهجري العالم وخلي النيّه ع النيّه عشان نعيش أحلى اثنين ونْهَجَرْ الشين والريبه=أنا أنتي وأنتي إيّاي ! يا أغلى من سكن فيّه ! وعلى ذيك القلوب اللي تعرف الصدق والطيبه=كتبت أحلى معاني حب كتبت أبيات مــــرويــه تقبلوا أطيب تحية ثامر بن عبد الله البدراني |
اخوي ثامر البدراني
صح الله السانك وبيض الله وجهك قصيده رائعه من شاعر موبدع وننتظر جديدك لاعدمناك اخوي ثامر لك من محبكم جزيل الشكر والعرفان |
صح السانك يالبدراني وبيض الله وجهك علي المشاركه الرائعه
|
ثامر البدراني لله درك من شاعرٍ راقي الحقيقه قصيده عانقت بنا سماء الأبداع وهطلت هطول الغيث قمه وروعه جداً الله يخلي لك من تحبه وترجيه صح الله لسانك وإعتلا شآنك وبيض الله وجهك يالقرم ونحن في إنتظار المزيد والجديد من إبداعاتك الشعريه تقبل الود والتقدير محب الجميع : دغش البطي |
صح الله لسانك اخوي ثامر البدراني على هذه الرائعه ولاتقاطعنا كثير تررانا مانشوفك مثل أول
تقبل تحياتي،، |
اقتباس:
يا هلا فيك يا أخوي ابن هديهد صح بدنك ووجهك ابيض يا القرم لا هنت ومشكور على طيبك وعلى جميل ردك وشرفني واسعدني تواجدك .. |
اقتباس:
صح بدنك يا الذيب ووجهك ابيض واسعدني ردك ووجودك تقبل مني اطيب تحيه |
اقتباس:
أخوي دغش صح بدنك وكلك احرجتني بطيب كلامك يا السنافي والطيب ما يطلع منه الا كل طيب شهادتك اعتز فيها ومرورك يشرفني ويسعدني لا هنت يا دغش وتقبل مني اطيب واحلى واغلى تحيه على مرورك وطيبك اخوك ثامر البدراني |
اقتباس:
شرفني مرورك واسعدني يا الذيب وانا فعلا كنت منشغل الايام هذي .. وزين ان فيه احد عارف اني غايب :D مشكور على ذوقك تقبل مني اطيب تحيه اخوك ثامر البدراني |
صح لسانك يا ثامر
قصيده حلوه ومبدعه غزل رقيق جميل الله يعطيك العافيه ولا هنت |
هلا فيك يا الشيخه مشكوره على كلامك وذوقك
شكرا على المرور .. ثامر |
صح لسانك اخوي ثامر وعز الله انها قصيدة غزليه طيبه وتلامس القلب لانها من القلب..
|
أخوك في الل
ثامر البدراني
لله درك من شاعرٍ راقي الحقيقه قصيده عانقت بنا سماء الأبداع وهطلت هطول الغيث قمه وروعه جداً الله يخلي لك من تحبه وترجيه صح الله لسانك وإعتلا شآنك وبيض الله وجهك يالقرم ونحن في إنتظار المزيد والجديد من إبداعاتك الشعريه تقبل الود والتقدير أخوك في الله العرابي |
اقتباس:
يا هلا والله فيك يا الودعاني يا ولد عمي صح بدنك .. وبيض الله وجهك مشكور على مرورك لا هنت .. |
اقتباس:
صح بدنك ووجهك ابيض يا رفيع الذوق مشكور على مرورك واسعدني كلامك ويكفيني شرف شهادة مثلك يا العرابي لا تحرمنا من ردودك الطيبة وتقبل مني اطيب تحيه .. اخوك ثامر |
الساعة الآن 03:28 PM
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Powered by vBulletin® Copyright ©2000 - 2025, Jelsoft Enterprises Ltd.
---