سج الضمير وشب للشعر ضوّه = في مرقبٍ دونه تحن الهواجيس
أساير حروفي بليته ولوّه = منها جيوش الفكر عطشى محابيس
يا هاجسي دوس الطريق المتوّه = ما اخبر عزومك فا المواقف مناكيس
دايم لساني للمشاعر مفوّه = شاعر وادرس طالب الشعر تدريس
حرفك ليا ما صار عنده جروّه = يكفخ كما كفخ الحرار القرانيس
خله بصدرك يا قليل المروّه = وش فايدة حرفٍ يغث القراطيس
واقع مرير نعايش اليوم سوّه = الشعر راح مهايط وسلم فا الكيس
صار الشعر مع عابثينه مشوّه = قفى مع أهله كاسبين النواميس
الشعر حبك وسبك ماهو فتوّه = ولاهو مصايح في صدور المجاليس
واللي يدوّر من ورى الذل قوّه = يلقى من امرار المذله كوابيس
مالك ومال اللي يخايلك نوّه = سحاب صيف يروح عبر النسانيس
قدرك رفيع وليه ترضى دنوّه = وتحد روحك للعقول المفاليس
واليا رجيت ارج الكريم بعلوّه = وارسي كما ترسي الجبال المراويس
لولا الكرامة ما صفى الطيب جوّه = ولولا الحيا ماتت جميع الأحاسيس
شاعر من الغيره لغيره ينوّه = في مرقبٍ دونه تحن الهواجيس

المشاركة الأصلية كتبت بواسطة ناصر الشريف (المشاركة 468403) مصافحه اولى الشعر حبك وسبك ماهو فتوّه = ولاهو مصايح في صدور المجاليس واللي يدوّر من ورى الذل قوّه = يلقى من امرار المذله كوابيس مالك ومال اللي يخايلك نوّه = سحاب صيف يروح عبر النسانيس قدرك رفيع وليه ترضى دنوّه = وتحد روحك للعقول المفاليس واليا رجيت ارج الكريم بعلوّه = وارسي كما ترسي الجبال المراويس لولا الكرامة ما صفى الطيب جوّه = ولولا الحيا ماتت جميع الأحاسيس شاعر من الغيره لغيره ينوّه = في مرقبٍ دونه تحن الهواجيس

واللي يدور من ورى الذل قوه = يلقى من امرارالمذله كوابيس

المشاركة الأصلية كتبت بواسطة خيالية (المشاركة 468408) صـــح لســاااااانك واعتلى شــااانك ،، قصيده رائعه كلهااا ،، واعجبتني هذه الابيااات .... احـــترامي

المشاركة الأصلية كتبت بواسطة محمد بن سالم بن فهيد (المشاركة 468436) ارحب ارحب ارحب حيه وحي ماجاب وصح لسانك وسلم بنانك قصيده جزله وكايفه وفي قمة الشعر ياناصر بهذه الشامخه كل بيت عن معلقه ولاكن كل انسان له بيت فالقصيده يستوقفه فعندما جاء البيت واللي يدور من ورى الذل قوه = يلقى من امرارالمذله كوابيس توقفت ساعه اتامل البيت لا اطيل عليك لاكن لاتحرمنا من الدرر الثمينه تقبل تحياتي اخوك/محمد بن سالم بن فهيد

المشاركة الأصلية كتبت بواسطة برنسيسه الريــــاض (المشاركة 468444) الله الله الله قصيـــــــــــده رائعــــــــــــه كــــــــــــــــل الـــــــــــــود

المشاركة الأصلية كتبت بواسطة نادر الناهشي (المشاركة 468972) اخي ناصر الشريف قصيدة. تسجل بماء الذهب .حكمه..جزاله...تجديد... شعر حقيقي...لاهنت وصح لسانك

المشاركة الأصلية كتبت بواسطة يحيى الودعاني (المشاركة 468985) صـــــــــــــــح لسانك مليون على هذه الرائعة لاهنت

المشاركة الأصلية كتبت بواسطة anoodalriyad (المشاركة 469013) نص متسلسل من عقود الالماس وليس عقد واحد نص يحتاج مكوث آكثر للمتعه فقول بالغه العربيه .. لالاآآآ فض فوك لغه عاميه صح لسانك يالذيب لغه شعريه هي ماقرأته انا محدثتك في طيات هذا المتصفح ناصر لله درك ودي لك ايه النقي