قال المنخس بعـد ماجـاه طـاري خليـل = طاري خليلً يزيـد القلـب شـوق وغـلا
لا وا وجودي وجود الي ذبـح لـه عميـل = عـن لابتـه والجماعـه بالغصيبـه جـلا
عاش العمر جالـيً مابيـن قـوم وذليـل = ومن المصيبـه حزيـنً والحـزن ماشـلا
عليك يالي بياضـك مثـل لـون المزيـل = من شاف زولك !! ظرب ماعاد شرب وكلا
راعـي جديـلً ولا مثلـه جديلـه طويـل = وبالزين زينه علـى كـل الخلايـق عـلا
لبيـه يالـي لـه القذلـه ورمـشً ضليـل = ولا زاح بعض القذايل شفت كل الحـلا !!
حبه علـى قلبـي الولهـان وزنـه ثقيـل = زود على قلبي الحملـه !! وقلبـي علـى
على الجسم والجسم ناحل وسايـر نحيـل = ماكـنـي الا فقـيـرً ضـايـعً بالـخـلا
والمشكله ليـت خلـي !! ثابـتً مايميـل = له منزلً وسـط قلبـي غيـر كـل المـلا
اودع صويب الهواء بالحـب مثـل القتيـل = ومن الهـواء والمحبـه !! ماسـلا ماسـلا
عـزاه ياقلبـي الـي بالمحـبـه علـيـل = قلـبً تبـلاه حـب الـي بـلا وابـتـلا
لاكـن مـادام خلـي بالمحـبـه يمـيـل = اقولها من لسانـي باختصـار !! الخـلااا