والله لولا الله ثم عقبه الليل =ونفس على كثر المصايب صبوره
لاعيف انا دنيا النكد والغرابيل =وارمي بنفسي من شواهق قصوره
لاشك اخاف اللي علم ذرة الكيل =لاصرت مرهونن بغبة قبوره
ادعيه وارجي في الليالي المقابيل =ينقذ غريق من غياهب بحوره
والثانيه في الليل عون الرجاجيل=فيه المولع دمع عينه سروره
لامن شكيت الغدر والجور والميل =عونك وعضدك من علايل دهوره
انا اشهد ان الليل لوقصر الحيل =خل صدوق وافيات شبوره
والثالثه نفسي رقت عالي سهيل =نفس عزيزه لوشكت ظلم جوره
نفس لها في الناس غايه وتحصيل= تعشق دروب العز في كل صوره
ياما نعللها على الوصل تعليل=واقول صبرك في مقادم شهوره
وياما نجنبها هل القال والقيل =ومانيب اعاشر من حكي القول زوره
عودتها درب الكرم والمعاميل =درب الجدود اللي قطفنا زهوره
خليتها في مقدم القوم والخيل =غصب وياعل العدو في ثبوره
ميزتناها من على باقي الجيل= عزة رجل ماهيب نفس غروره

والثالثه نفسي رقت عالي سهيل =نفس عزيزه لوشكت ظلم جوره
نفس لها في الناس غايه وتحصيل= تعشق دروب العز في كل صوره
ياما نعللها على الوصل تعليل=واقول صبرك في مقادم شهوره
وياما نجنبها هل القال والقيل =ومانيب اعاشر من حكي القول زوره
عودتها درب الكرم والمعاميل =درب الجدود اللي قطفنا زهوره
خليتها في مقدم القوم والخيل =غصب وياعل العدو في ثبوره

المشاركة الأصلية كتبت بواسطة ابوبدر المصارير (المشاركة 467991) الشاعر القدير والكبير والمتميز الاخ الغالي / نادر الناهشي صح الله السانك ملايين قصيده جزله من شاعر جزل لاهنت الله يعطيك العافيه تحيااااااااااااااااااااااااااتي

المشاركة الأصلية كتبت بواسطة دغش محمد الدوسري (المشاركة 467992) صح السااااااااااانك واعتلى شانك ,, وقصيدة رائعه ,,, قصيدة جزله من شاعر جزل ,,,, والله انك شاعر كفو يالغالي ,,,,, ودمت بحفظ الرحمن ....

المشاركة الأصلية كتبت بواسطة الزين (المشاركة 468042) والثالثه نفسي رقت عالي سهيل =نفس عزيزه لوشكت ظلم جوره نفس لها في الناس غايه وتحصيل= تعشق دروب العز في كل صوره ياما نعللها على الوصل تعليل=واقول صبرك في مقادم شهوره وياما نجنبها هل القال والقيل =ومانيب اعاشر من حكي القول زوره عودتها درب الكرم والمعاميل =درب الجدود اللي قطفنا زهوره خليتها في مقدم القوم والخيل =غصب وياعل العدو في ثبوره صح لسانك واعتلا شانك ياخوي على القصيده الطيبه