يا راكـب مـن عندنـا عيدهيـه=حايل ثلاث سنين واليـوم حايـــــــل
ملفاك عبيان حمـى دقلـة الفـلا=لا قلـدوا لباتـهـن الشـلايــــــــل
ظفر إلى غطـا السبايـا كـرارة=ثم صار دم الخيل مثل الوشايــــل
قليل هدات الضحى وسط مجلـس=لا قطع الفـزاع ثـوب المفايـل
صديق عبيان دفـع لـي هديـه=ولا وصف جرمان وافي الخصايــل
أشـوف دنيانـا علينـا تغيـرت=عذراً تدور فـي بعــــلهـا البدايــــــــل
عشنا بها يـوم تلينـا زمامهـا=ويوم تلتنـا واسعفـت للمخايــــــــــل
يامـا غلبناهـم نهـار بركضـه=تلقى قطيع الحصن فيها همايـــــــل
يا سعود أبا اوصيك مني وصيـه=والاجواد ما تنسى وصاة الأوايــل
اوصيك مني بأربع خـل غيرهـا=فيها على الصبيان تاخـذ نفايـــــــل
اوصيك لا تصلح وربعك تحـارب=ولا تتبع الهونا تحوش الفشايــــــــل
والثالثه بالضيف في ليلة الدجـا=لا خلوا الضيفان بعض الهزايــــــل
والرابعه بالأجنبـي لا وزى بكـم=لو قام عاميـن فـلا بـد شــــــــــايـل
ومن طق كلب الجار قد حس باله=وبكوة غريب الجار تمحى الجمايل