|
مخاريم اليا من التقت الفهـود يسـود ( الشاعر تميم الخييلي )
بسم الله الرحمن الرحيم هذي السالفه حدثت للشاعر تميم بن عبيد بن حويل الخييلي ويرويها شخصياً ويقول: هذا بيوم من الايام مريت على ابل الشيخ عمر بن فهد المخاريم وهي ماشاء الله عليها من أطيب البل جعلها تبارك لراعيها , وقلت فيها ابيات وتمنيت فيها قعودً من انتاجها , وعقبها بمده قابلته عند البجيري وكان على غدا مسويه البجيري لابو فهد وعرفته بنفسي وحنا نتبادل السوالف سئلني ابو فهد عندك ابل , قلت: الله الله عندي ذودً مجاهيم , ويحلف علي ابو فهد بذاك القعود هديةً منه , وانا مابعد قلت له القصيده فعلمته بالقصيده عقبها فقال : شف القعود جاك قبل لاتعلمنيبها , وابو فهد من الرجال الاوفياء والرجال اللى ذكرهم طيب عند ربعه الدواسر وعند الاجناب ولاهوب غريبً عليه فهو من ربعً عاداتهم الطيب وعادتهم العلوم اللى تطلق وجه اهلها وتنومس الدواسر جميع وله العديد من الوقفات المشهوده والمذكوره بالخير والقصيده يقول فيها الشاعر تميم :
اليوم الضحى صادفتنا لي جبالً سود = تهلع مع الصمان تبغي مخابرها ووقفت انا مبهور في زينها المفقود= طوال الغوارب تبهر اللى يناظرها قريت آيه الكرسي عليها من الحسود = ماشاء الله عليها كيف ربي مصورها وتمنيت في نفسي من انتاجها قعود =وانا اقول في نفسي وشلون بقدرها انا كيف بقدرها وانا وراتبي محدود =اطوال الثمن ماكل واحدن بيقدرها وتسمعت انا الاخبار من مصدرً موثوق = وجتني اخبارً صادقه من مواردها وقالوا لابو فهد وهو الفهد ويزود = سلايل افهودً تتعب اللى يناظرها مخاريم اليا من التقت الفهود يسود=توطي العصاه الى وقف حبل ناظرها وقلتنا بروح له والرجال اشهود =اما افوز بحاجتي والا يتعذرها http://www.kll2.com/dldvxt95579.3gp.html القصيده صوتياً وسلامتكم أخوكم :: نايف الخييلي |
رد: مخاريم اليا من التقت الفهـود يسـود ( الشاعر تميم الخييلي )
الله لايهينك اخوي نايف الخييلي على هذا النقل وصح الله لسان الشاعر/تميم الخييلي ويستاهل الشيخ/عمر بن فهد المخاريم هذه القصيدة ولاهو غريب عليه الطيب وعلوم المطاليق
|
رد: مخاريم اليا من التقت الفهـود يسـود ( الشاعر تميم الخييلي )
اخي/نايف الخييلي تشكر على الاختيار الموفق
وصح لسان الشاعر : تميم الخييلي على جزالة قصيده الوافيه ويستاهل ابوفهد المدح والمخاريم يستاهلون اكثر وكثر لك الشكر يانايف |
رد: مخاريم اليا من التقت الفهـود يسـود ( الشاعر تميم الخييلي )
اقتباس:
حياك ربي يابو حمد على ردك الطيب والوافي اسعدني تواجدك الكريم خالص التقدير |
رد: مخاريم اليا من التقت الفهـود يسـود ( الشاعر تميم الخييلي )
اقتباس:
الشاعر القدير \ محمد بن سالم بن فهيد مرحبا ومسهلا بك طال عمرك اسعدني هالتواجد والإطلاله المباركه لك وتقبل اصدق التحايا واطيبها |
الساعة الآن 10:22 AM
 |
Powered by vBulletin® Copyright ©2000 - 2025, Jelsoft Enterprises Ltd.
---