هذي قصديه أوجها الى حماد بن سيف ( المخاريم ) عام ( 1987م ) ..= أرجو أن يطلع عليها بهذا المنتدى ويرسلي ردها حيث انني لم أحفظ رده ))..

أهلا ً هلا بالخط من وافي الأشبار = أهلا ً هلابه عدما طارت طيور
أهلا ً هلنبه عد همال الأمطار = خط لافاني من رفيق على الفور
أهلا ً هلنبه عدما صاير صار = خط له الترحيب من داخل الزور
ساعة لفاني الخط والفكر من دار = دورت سفينات الفضاء بأمر لاهور
ياركب اللي لامسك سكت القار = يجتازها لوهي مطبات وحفور
مايشتريه الا شيوخ وتجار = وكالته ماتقبل قصود وحضور
ماتقبل الا شيك والصرف دولار = رنج به التمييز وضخيم ماطور
ينصابنا اللي لا لفا البيت خطار = قدملهم ترحيب والزاد مدمور
لو غليت الخرفان مع غلي الأسعار = يشري نوادرها ولو الثمن دور
حماد بن سيف حمى الضيف والجار = الله يجيره من لشارير وشرور
يشكي علي من جادلا ً حبها جار = جارة عليه ودونها الحبل مقصور
انا معك والله معك سر وجهار = وأضرب على ماشئت وأبليس مدحور
ياسعد من حناله عضود وستار = لا جاء نهار فيه قاهر ومقهور
ماكل منهو لا غطس جاب محار = أضيع هقواته ولا ياصل الغور
وأحذر وفكر وأعرف الوقت غدار = دنياك ما بدوملك فرح وسرور
وأعرف ترى سيد القواطيع ميشار = تلقى حديد بها نيثات وذكور
وأدراك ياراسي عن أشرار الأشرار = وحتى لساني قلتله بعد حاذور
ذكر الله المعبود علام الأسرار = يعلم أسرار أعباده اللي بلا الصدور