يامرحبا ياصلب جدي محمد = يامحزمي لا من تردت سنينها
يالقرم يالمنعور ياساس الوفا = ياترثت شيوخن بخيتن زبينها
يوم السنين الغابره وانتوا لنا = الحربة الي مايشافى قرينها
عسرين في الشده وهشين في الرخا = وروس العوالي في الكرم معتلينها
ترا المزوح تروح وان جات للجد = اعلومكم كل العرب خابرينها
سقم الحريب وعلته وخطامه = والسود دون العايله محتمينها
يسوقها رغوان ويجيك كاسب = كم هجمةُ فاخت بها من قطينها
تسعين حوض جفيت في ام اثله = وحيفت رعايا القوم مع مبهلينها
فياجعل من طاب ذكره ونومس = تبقى انسوله يامحمد قمينها
يجي من انسوله ماينقل جرته = ويقضب دروبن ربعته قاضبينها
يفز لاشاف المسير وينتهض = وقراه لامن قدمه من سمينها
ويلا هرج تاتي سوالفه ذربه = والعايبه مايرتبع في بطينها
ويذهن الامن هازته مقلوبه = من واحدن يبغي يظهر دفينها
ويعين ويعاون ويبدى فزعته = للمقديه ولا المخطيه لا يعينها
ويفرح لربعه لا تمالوا بجمعى = ويقوم معهم في قساها ولينها
فهذاه ياجعل الجنه مهايده = وجعله من الي ممسكيين بيمينها
وصلاتي ربي عد من حج واعتمر = على النبي خير الامم وامينها