لاصار مقصود الصداقه على شي=اشطب عليها وطلب الله عوضها
ابعد عن اللاهوب وزبن على الفي=هذي نصيحه واللبيب يحفظها
مايرجع الميت ولو يبكي الحي=واهل المرض لابد يطلع مرضها
صداقه الاهداف ماهيب تبطي=ولا تنفعك لو بالوفا تعترظها
ميثاقها من شان ناخذ وتعطي=ون وقف المشروع كل رفظها
مثل السراب اللي من البعد كالمي=من طردته كم من نفوس قبظها
ان كان ماجات الصداقه كما الظي=على نقاها ماتفاخت بعظها
ماهي تسير شوي وتدقر شوي=ولا تضيع اليا تحقق غرضها
ولا يغطي حسنها جوهر سي=وليا انتهظها ذاك هذا نهضها
ودليٌها تظرب على الجم برشي=فالمرتفع ماعاينت منخفظها
ماهيب تقبل بالمطامع وتقفي=ومانةٍ فتالها مانقظها
تصيب بعضات الهقاوي وتخطي=مير التجارب مستمر وعظها
وصداقتن في قدرها ناجح وني=اما تفلها ذاك هذا لفظها
وسلوكها ماتقدر الشد والطي=ربضة ردا تحسب على من ربظها
فيها نفاق.وغش.ومخادع.وغي.=صداrتن حب المخادع فرظها
وقت الرخى ينشدك. تامر على شي؟=ووقت الشدايد منك كفه نفظها!

وقت الرخى ينشدك. تامر على شي؟ ووقت الشدايد منـك كفـه نفظهـا!

المشاركة الأصلية كتبت بواسطة خميس مطر الغييثي (المشاركة 454936) محسن بن فالح شاعر لايختلف عليه اثنين وهواحد اعلامنا البارزين صح الله لسانه واعتلى شانه ابوزابن الطيب لايجي منه الا الطيب جعل يمناك مايجيها العطب باكحيلان تقبل فائق احترامي وتقديري

المشاركة الأصلية كتبت بواسطة سيف العمور (المشاركة 455099) ياسلام عليك صح لسان الشاعر. وتسلم على الاختيار الموفق تقبل مروري..الله لايهينك